- لما تحبي شخص كل ما فيه وحش وتقولي أصلي بحبه .. ف احب أقولك حبك برص ، انتِ بتحبي ناس بتحب تمرمطك وتضيع كرامتك ومع الوقت بيزهقوا وهيرموكي ، اغلب الحاجات اللي بقيت أسمعها الايام دي ، هو بيحبني بس عصبي ، بيحبني بس مد إيده عليا مره واحده أصلي استفزيته ، بيحبني بس مينفعش يبين إنه بيحبني قدام حد أصله راجل ، بيحبني بس شغله عنده مهم أوي ، بيحبني بس مينفعش يقول حاجه لأهله لو حد فيهم زعلني ، بيحبني بس هو طبيعته بتاع بنات و المهم انه بيرجعلي في الآخر ، دي مبررات انتي بتقنعي نفسك بيها عشان إنتي اللي بتحبيه مش هو اللي بيحبك ، لإن اللي بيحبك"هيحترمك" و حطيلي مليون خط تحت بيحترمك ، هيحترمك قدام أهلك ، اهله ، اصحابكوا ، في الشغل ، في الشارع ، في اي مكان و قدام اي حد لإن ببساطه كرامتك عنده زي كرامته بالظبط و يمكن اغلى .. لو اللي بيحصل غير كدة يبقي دة مش حب ع فكرة .. لم متبقيش عارفة العلاقة وصلت ل فين؟ لم تلاقي نفسك خايفة وانتي معاة ، لم تلاقي نفسك خايفة تقولي حاجة حاسة بيها لتتفهم غلط ، لم تحسي أنك تقيلة علي قلبه ، لم تلاقي نفسك مش قادرة تحكي وتشتكي ، صدقيني اهتمامك الزايد بحد مش مهتم بيكي مش هيخليه يتحول يعني او يحس ع دمه حبه ويحس انه انتي اكتر واحده أوله بالاهتمام مثلاً لا خالص ده البعيد اعمي الاهتمام ده هيخليه يمص ف دمك اكتر والشخص اللي يوصلك للمرحلة دي ميستحقش يكون ف حياتك اصلاً ، قرار واحد لازم تاخديه دلوقت تقطعي علاقتك بيه حالاً، أنتِ كده كده هتسيبه ومش بمزاجك بمعنى أصح هيجي اليوم ويرميكي فا بدل ما تقعدي تجمعي في ذكريات ومشاعر حلاوتها مؤقته وهتزود من ألم الفراق امشي دلوقت امشي عشان تعرفي تجمعي نفسك وكرامتك ومشاعرك عشان تقدري تلاقي حد يستاهل بعد كده تديله حاجات قيمة زي دي، لازم تبدأي تشوفي بعقلك والبعد هو الحل عشان تشوفي ..
اللي اقدر اقوله ان في ناس بتحبك و وجعك يوجعهم وبيحاولوا يساعدوكي تخرجي من اللي انتي فيه بس القرار في النهاية في ايدك مهما حاولتي تلفي تدوري وتهربي عشان اللي خايفه منه كده كده هيحصل .. إهربي من دلوقتي أحسن
05 - 07 - 2017, 12:51 AM
رد: عمره ما حبك عالفكرة
العرض العادي
