. أنت أول الغرقانين

[walaa farouk]

فى اغنية من الاغانى الشهيرة لسيد مكاوى اسمها(ماتفوتنيش انا وحدى) ، الاغنية دى فيها جملتين خطرين جدا بيتقالوا:
1-خلى شوية عليا وخلى شوية عليك.
٢-علشان المركب تقدر تمشى بيا و بيك.
الحقيقة الجملتين دول للأسف بقوا ال life goal بتوع أغلبنا، كلنا عايشين علشان الدنيا تمشى، نستحمل ونعدى ونيجى على نفسنا علشان المركب تمشى ، تبقى شايف الغلط قدامك واضح وصريح وتعمل مش شايفه علشان الدنيا تمشى ، تلبس خوازيق وبرضه تسكت وتستحمل المهم فالآخر الدنيا تمشى.
مع الوقت الموضوع بيتحول من خلى شوية عليا وشوية عليك، لمرحلة خلى كله عليك، ما أنت طلعت كويس ومابتقولش لأ، يالا شيل بقى يا برنس، أنا هافضل أغلط نفس الغلطات، وأنت هاتفضل تعديها ، وأنا أفضل أقصر فاللى مطلوب منى، وأنت تكمل الباقى بقى، بس أهم حاجة المركب حضرتك تكون بتمشى.
لو المركب لا قدر الله حصل فيها خرم، وحضرتك بدل ما تصلحه سديته بأيدك، والمركب كملت مشى، شوية وهايحصل خرم تانى وتالت ورابع ، وهاتدور على حاجة تسدهم بيها برضه ، لحد ما الاخرام تملى المركب، ساعتها مش هاتقدر تسد وتمشيها، ساعتها المركب هاتغرق و أنت أول واحد هايموت..... أنت أول الغرقانين

[Mary Naeem]

ساعتها مش هاتقدر تسد وتمشيها، ساعتها المركب هاتغرق و أنت أول واحد هايموت..... أنت أول الغرقانين

صح يا قمر

ربنا يباركك حببتي

[walaa farouk]

ميرسى كتير على مرورك الغالى مرمر