شفت السما بعيني

[walaa farouk]

في التبعية الحقيقية بنوصل لنتيجة مهمة هي💁
لأَنَّ لِيَ الْحَيَاةَ هِيَ الْمَسِيحُ وَالْمَوْتُ هُوَ رِبْحٌ. (فيلبي ٢١:١ )♥️
بس النتيجة دي مش لأي حد، دي للي ماشيين
في حياة تبعية حقيقية ورا الرب 👣
ودا كان رأي بولس:
الحياة بالنسبالي هي يسوع
وإني حتى لو مُت فالموت حاجة هتوصلني للقائه 🫂✨
حياة بولس كانت كده وكانت مليانة بمواقف
تشهد عن تبعيته للرب بكل أمانة 🙏

كان ملتصق بالمؤمنين بيتعلم منهم ويتسند بيهم 🥰
كان بيبعد عن كل عنصرية وتحزب لأي انتماء غير للمسيح🫂
كانت المحبة عنوانه ورسالته واتجاه قلبه مع الجميع 😍
كان افتخاره الوحيد والدائم لصليب ربنا يسوع المسيح 🤩

يا بختك يا بولس بكل اللي وصلت له ،
جاهدت وقدرت وشوفت حاجات حلوة مفيش إنسان تاني شافها
، دا أنت شوفت السما بعينيك، تبعيتك اتقدرت
واتكافئت مش من الناس لكن من الرب نفسه، إدالك إكليل البر
ياريت في يوم أقدر أقول بكل ثقة زيك كده
إن حياتي كلها نفاية قصاد معرفة المسيح.

ساعدني يارب أمشي في طريقك رغم كل المعوقات
والمواقف اللي بتشدني بعيد عنك ✨