5 حاجات بطلت اعملها

[walaa farouk]

١-بطلت اتعشم في حد من كتر ما الناس خذلونى ،
و قررت أن مهما كان الناس او مهما وعدوا ، اكيف نفسي علي ان الموضوع مش ح يكمل
.. يبقي لو ما حصلش ما اتعبش ، و لو حصل يبقي كتر الف خيره ..




بطلت اعاتب حد ، لاني من كتر ما اتصدمت من رد الفعل
اكتشفت ان رد اللي باعاتبه اقسي من الزعل نفسه !!


بطلت ازعل من الناس ، لاني لقيت ان زعلي مش غالي علي حد
، و من كتر ما استنيت حد يراضيني ، اتوجعت اكتر و اتجرحت اكتر .
. و الافضل ان اصفي زعلي بين و بين نفسي و بيني و بين ربنا ، الا لو لقيت -
و ده اندر من الندرة - اللي يسمعني و يحس بي ..




بطلت اتكلم و ادور علي حد يسمعني و يفهمني لان دول "كائنات علي وش الانقراض"
.. و اكتشفت ان كله عاوز يتكلم و ما حدش عاوز و لا فاضي يسمع حد ..


بطلت أطول في قعدة الناس علشان اقلل من اي زعل أو احتكاك او دالة متعبة
.. و لقيت ان احسن حاجة في العلاقات الحكمة اللي بتقول
"يا بخت من زار و خف" ،او " اِجْعَلْ رِجْلَكَ عَزِيزَةً فِي بَيْتِ قَرِيبِكَ
، لِئَلاَّ يَمَلَّ مِنْكَ فَيُبْغِضَكَ. (أمثال ٢٥: ١٧) ..
يعني تقوم من نفسك و قبل ما حد يقومك او يمل منك ،
و تخلص القعدة و الناس هي بتمسك فيك .