قصتك فريده

[walaa farouk]

كام مرة اتقارنت في دراستك أو شغلك أو حتى جوّه الكنيسة، وحسيت بصغر نفس أو إنك أقل من اللي حواليك.
وكام مرة أهلك حطّوا معايير عشان يقبلوك أو يكونوا راضين عليك والمعايير دي كانت صعبة مخلياك دايماً عكس طبيعتك أو بتبذل مجهود طول الوقت عشان توصلها.
ومرات كتير تتوه وتصغر صورتك في عين نفسك
عشان اتقارنت واتحطيت تحت عين الناس يحكموا
ويحدّدوا قيمتك من إنجاراتك.
موجع ومُرهق الوضع بس الخبر الحلو إن الله مش كده.
الله مش بيقارنك بحدّ، ومش شايفك شبه حدّ.
أنت مُميّز وليك كرامة واسم خاص بيك عنده هو.
ليك قصتك ودعوتك ومكانك في الملكوت مش مبني على شطارتك لكن بسبب حبّه ونعمته ليك. وقّف مقارنات وتنافس وتقليل من نفسك
. وابتدي اسمع وصدّق وارتاح في دايرة حُبّ الله ليك.