كورونا اشاعات و حقايق (2)

[walaa farouk]

١١-هل كورونا بيعمل عجز جنسي ؟

طبعا لا .. اشاعة لا أساس لها من الصحة..
للمرة التانية الخوف منه هو اللي ممكن يؤذي مناعتك جدا و الخوف من المرض أخطر من المرض ،
و بيعمل عجز "نفسي" .. الخوف من المرض يعمل لك تهيؤات المرض ..

١٢-ليه المرض منتشر في ايطاليا للدرجة دي (قرب ٥ % ) ؟

شوية أسباب..
-الشعب استهتر بالعزلة و لم يستحب من الاول للجلوس في البيت
و عدم التواجد في الأماكن المزدحمة .. علشان كده فرض حظر التجول كان ضرورة ..
-لان عدد المسنين اكتر من اي بلد في أوروبا ( اكتر من ٤٠ %)
و مع العمر المتقدم المناعة معروف انها قليلة عندهم ..
-لأنهم ما كانوش متعودين من قبل كورونا علي النظافة المتكررة بالذات بعد الدخول للحمام
-لأنهم استخدموا خوافض للحرارة زي الايبوبروفين
(بعض الأبحاث و مش كلها قالت انه بيقلل المناعة في بعض الحالات )
، كل الأبحاث قالت نستخدم الباراسيتامول ..
-بسبب ضعف المناعة العام من كثرة التدخين و الكحوليات المفرطة..

١٣-هل بعد الشفاء يمكن العدوي مرة تانية ؟؟

الي الان لم يحدث .. و لكن لو حدث ، مثل اي فيروس
، سيكون جهاز المناعة من القوة بحيث لا يؤثر في الإنسان إلا اثر بسيط مثل دور البرد ..

١٤ -ليه كورونا عامل الخوف panic ده كله ؟؟
-لان الفيروس بيعيش في الجو و علي الأسطح ساعات طويلة..
-لان الفيروس معدي (تقريبا ٤ من ١) و النسبة بتتضاعف من وقت التاني
و ينتقل حتي من السليم لحد جنبه..
-لان الفيروس بيهاجم حويصلات الهوا pneumocyte 2 المسؤلة عن الأوكسجين في الرئة
(اول فيروس يهاجمها كده) ..
- لانه بيعمل لخبطة في جهاز المناعة يخلي عاصفة من الهجوم من الخلايا المناعية interleukin 6
علي الرئة ثم الجسم كله اسمه cytokine storm syndrome ،
بتخللي الجسم كله مجهد و تعبان..
-لأننا لسه ما حسمناش طرق العلاج الفعالة لأنه جديد علينا ..

١٥ -هل ده اعنف هجوم مرضي علي العالم؟؟

لا ابدا ده اقل واحد للان ..
١٧٢٠ الطاعون
١٨٢٠ الكوليرا
١٩٢٠ الأنفلونزا الإسبانية
٢٠٠٢ السارسsars و بعده بشوية ٢٠٠٧ الميرس mers
٢٠٢٠ الكورونا و ده اقلهم (رحمة من الله )

١٦-هل هناك أدوية للعلاج ؟؟

-هناك ٥ شركات بتجهز لقاح فعال بس ده بياخد وقت ..
-و هناك ٥ أدوية أثبتت فاعلية قوية في إيقاف تكاثر الفيروس داخل الخلية ،
و هي تستخدم في المستشفي تحت إشراف طبي في الحالات المتقدمة
، و جاري السباق في تأكيد بروتوكول العلاج بيها لنتمكن من إعلان نجاحها للعالم ،
و ده قريب جدا ان شاء الله ..

١٧- هل فيه حديد في الوقاية ؟؟

نفس الكلام السابق من غسل الأسطح بالكلور ٢ % ،
مسافة امان ١ و نص متر ، عدم الدخول بالحذاء للبيت من الشارع الا بعد تطهيره،
كمامة بس في الزحام ، و تغييرها لو رطبة أو بعد خلعها لمرة واحدة ، عدم السلام و التقبيل أو الاحضان..

١٨-هل فيه اخبار مطمئنة قريب ؟؟

بعد العزلة الإجتماعية الصارمة في يوهان
-شركات الموبايل رجعت تفتح في الصين هي و ستاربكس ..
- رجوع تدريجي للمدارس و الجامعات..
- أسرار اللقاحات و العلاج بتنكشف يوم بعد يوم بنسمع كل يوم عن أخبار مفرحة .
-واحدة عمرها ١٠٣ سنة خفت في الصين ..

و ربنا الشافي العافي الحامي يحمينا كلنا و يحمي العالم كله و بيوتنا و أسرنا بلادنا ..

و ربنا معاكم و يطمن قلوبكم ..