|
 |
 |
 |
|
|
|
رقم المشاركة : ( 1 )
19 - 07 - 2025, 11:18 PM
|
|||||||||||
|
|||||||||||
|
الكائنات الشابه أو كائنات الشباب 🗣️ هى كائنات تعيش و تتعايش معنا و ليست من الفضائيات رساله لكل خادم و اب و ام و اعتبرها مواجهه مع نفوسنا انت فى يوم كنت شاب ويمكن الجيل اللى قبلك قالوا عنك : جيل بايظ يا مستر انت مُصمم تقعده قدامك و تسمعه عظة أو درس بوقت كبير و هو لا سنه و لا طاقته و لا لياقته يسمحوا بكده وانا عارف ان هدفك من كده طيب إما أنك عاوز توصله معلومه كامله وشافيه و وافيه عن حاجه مهمه جداً لكنها مش هاماه دلوقتى لسبب أو آخر و إما أن الواعظ طوِّل جداً وانت محرج تقول كده .. حط نفسك مكانه لحظة كده : هو ليه بيقعد فى كافيه مع صحابه ؟ ببساطه : لأنهم كلهم على خط واحد و إهتمامات واحده و هو قاعد مرتاح و مافيش حاجه بتجرى وراه و بيحكوا على مستوى واحد محدش شايف التانى من فوق .. كل واحد فيهم قادر يعبر عن نفسه .. عنده فرصه أن ممكن أفكاره تعجب صاحبه .. وان حد يشوف أنه مش دايماً غلط على طول الخط .. الحل : كلموا .. بس سيبه كمان يتكلم .. خليه يعبر عن نفسه اكتر ما انت تتكلم .. اقبل كلامه .. اقف انت و هو على أرضية مشتركه .. بلاش تبقوا فريقين ضد بعض .. ماتخليهوش هو يشوط و انت تقف تصد . ياعم سيبوا يجيب كام جول .. خليه يفرح بالقعده دى و يطلع من عندك مبسوط . . اقبل حتى نقده اللاذع .. وصل معلومتك بشكل مركز و فى وقت قليل و اخر الكلام اختمه بحضن جامد لكل اب و ام .. طول ما هو مش عاجبك و لا حاجه فيه و الحوار بينكم جاف مش هنوصل لأى نوع من الحلول طول ما انت بتقارنه بفلان و علان نفسه هتصغر جواه و هيزيد عناده و هيبعد عنك و بسبب البعد ده كلنا هنتعب الحوار إن غاب .. الفجوه هتكبر .. وعدو الخير هيستثمر الأمر ده فى صالحه .. و بكده الشاب أو الشابه دى هيكونوا فى خطر .. وانت كنت شريك فى ده مع الأسف 🤚 الشباب ثروة .. طاقة جبارة .. الشباب وجودهم بيدى طعم للأشياء .. مستقبل و أمل .. دول مش بايظين و لا حاجه .. و احنا هنروح بعيد ليه ؟ شوف كده الكتاب قال عنهم ايه : 👇 كَتَبْتُ إِلَيْكُمْ أَيُّهَا الأَحْدَاثُ، لأَنَّكُمْ أَقْوِيَاءُ، وَكَلِمَةُ اللهِ ثَابِتَةٌ فِيكُمْ ، وَقَدْ غَلَبْتُمُ الشِّرِّيرَ. ( رسالة يوحنا الأولى 14 : 2 ) ١- أقوياء 💪. ٢- كلمة الله ثابتة فيهم ✊ ٣- غلبوا الشرير 🤛 🙂 ❤️ شباب_بنعمة_ربنا_يسوع_المسيح_هيغلب_الشرير 😃✊ 
|
 |
|
العرض المتطور