✝️تمجيد قداسة البابا شنوده الثالث✝️

[Mary Naeem]

✝️تمجيد قداسة البابا شنوده الثالث✝️
==========================
1- فى احضان السمائيين + فى مصاف النورانيين + رحل بطرك امين + البابا شنودة الثالث
2- يا داوود هات القيثار+ والدفء مع المزمار+ علشان نزف البار+ البابا شنودة الثالث
3- الله عد ومهد + مناره عاليا شيد + واختار نظير جيد+ البابا شنودة الثالث
4- ترك العالم الفانى + راهب متوحد روحانى + انطونيوس السريانى +البابا شنودة الثالث
5- قرار سامى حكيم + من الباباكيرلس العظيم + شنودة اسقف للتعليم +البابا شنودة الثالث
6- اختارته السماء + قوى لبى النداء + بطريرك من الحكماء +البابا شنودة الثالث
7- اكتر من اربعين عام + رئيس كهنه نشيط همام + حتى رحل بسلام + البابا شنودة الثالث
8- طوباك يا ابانا الحبيب + احتملت الأم الصليب + بفرح وشكر عجيب + البابا شنودة الثالث
9- احتضنت قطيع المسيح + فى حضنك المريح +مستحق كل مديح + البابا شنودةالثالث
10- كل من اتاك تعبان + قابلته بكل حنان + خرج من عندك فرحان+البابا شنودةالثالث
11- قابلت الشر بالخير+ قدمت حب للغير+ قلبك فسيح وكبير+ البابا شنودة الثالث
12- سيرتك عطره حقيقيه + تعليمك ذهبيه + حكمتك سماويه + الباباشنوده الثالث
13- قوى لكن لطيف + لين ومش ضعيف + امين طاهر عفيف + الباباشنوده الثالث
14- صمتك ابلغ من الكلام + عايش دايما"فى سلام + نطوبك كل الايام + البابا شنودة الثالث
15- عينيك مليانه حنان + نحو كل انسان + متشبه بالديان + البابا شنودة الثالث
16- ملتمس الاعزار للناس + قلبك رقيق حاس + انت اغلى من الماس+ البابا شنودة الثالث
17- فى الأمنا وفرحنا + ياما شاركتنا + سألنا جاوبتنا + الباباشنودة الثالث
18- جهادك وصلواتك + ثمارهم فى حياتك + وفى كتبك وعظاتك + الباباشنودة الثالث
19- مهما الظلام يسود + رجاءك ملهوش حدود + وتقول ربنا موجود +الباباشنوده الثالث
20- ياما احتملت كتير+ ساكت وشايل النير+ وتقول كله للخير + البابا شنودة الثالث
21- كنت بتشتهى + مجد السماء البهى + وتقول مسيرها تنتهى + البابا شنودة الثالث
22- شاعر صحفى واديب + أب وصديق وحبيب + من كل قلب قريب + البابا شنودة الثالث
23- نظمت الاكليريكيه + والمعاهد الدينيه + باداره روحانيه + الباباشنوده الثالث
24- مصرعاشت فى دمك + وكان هما همك+ فى قلبك على فمك + الباباشنودة الثالث
25- يا قلب مصر النابض + نهر الحب الفايض + للكراهيه رافض+ الباباشنودة الثالث
26- بعد تعب وعناء + تركت ارض الشقاء + وسافرت للسماء + الباباشنودة الثالث
27- فرحان مع يسوع +لا تعب لاعطش ولا جوع + ولا حزن ولا دموع+الباباشنودة الثالث
28- اليوم ننظم تمجيد + اغانى روحيه واناشيد + وبفضائيلك نشيد + الباباشنودةالثالث
29- اكسيوس اكسيوس اكسيوس + لساكن الفردوس +حبيب الرب القدوس+الباباشنودة الثالث
30- يا عارف اتعابنا + يا ابونا وحبيبنا + اذكرنا يا شفيعنا + الباباشنودة الثالث