استجابة

[walaa farouk]

“استجابة”
كنت دايمًا بشوفها كأنها سر من أسرار السماء…
طلباتك، صلواتك، أمنياتك، وكل كلمة بتطلع من قلبك.
لكن لما بتطلب من ربنا حاجة، هل فعلاً بتستنى استجابة؟
ولا بتحاول تسرع الأمور؟
في أوقات كتير، بنطلب حاجة ونتمنى تتحقق فورًا.
لكن الاستجابة مش دايمًا بتكون على مزاجنا،
أو في الوقت اللي إحنا عايزينه.
الاستجابة ممكن تكون مفاجأة، ممكن تكون في شكل تغير فينا أو في طريقة تفكيرنا
، أو حتى في ظروف بتتغير حوالينا.
الاستجابة الحقيقية مش في إن ربنا يحقق كل طلباتنا على طول،
لكن في إننا نعلم إن كل حاجة في توقيت الله وفي وقتها المناسب.
مش كل مرة نستنى الاستجابة بالزبط زي ما إحنا فاكرينها،
لكن المهم إننا نستنى واثقين، لأنه لما بيفتح باب، ما فيش حاجة تقدر توقفه.
استجابة الله ليك ممكن تجيب سلام داخلي، وتغيير في حياتك،
حتى لو ما كنتش متوقعه بالشكل ده.