الانهيار الصامت

[walaa farouk]

أوقات بتبان عادي. بتضحك، بتتكلم،
وبتكمل يومك زي ما هو. لكن جواك…
في حاجة مش راكبة. قلبك تقيل، وروحك مش مرتاحة.
بتحس إنك على وشك الانهيار، بس محدش حاسس.
ده اسمه "الانهيار الصامت". لما تبقى عادي قدام الناس،
لكن جواك حاجات كتير عايزه تتحكي وما بتطلعش.
فاهم يعني إيه تحس إن خيط رفيع فاصل مابين هدوءك الظاهري والبركان اللي جواك!
بس في وسط ده كله، ربنا شايف الخيط ده.
مش محتاج تصرخ عشان يسمع، ولا تحكي عشان يفهم.
هو بيشوف اللي ما حدش شايفه، وبيحتوي اللي مش قادر تعبر عنه.
الانهيار الصامت مش نهاية، لكنه بداية جديدة لو اديت كل حاجة لإيده.