لكل يوم زوّادة: ربنا بيعطي لكل واحد وزنات ع قدّو : 29 / 8 / 2024 /

[souad jaalouk]

لكل يوم زوّادة: ربنا بيعطي لكل واحد وزنات ع قدّو

بيخبرو عن ابونا دقنو طويلة التقى مرّة فيه زلمي بالرعيّة قلّو يا ابونا كيف هيك متحمّل دقنك ما بتشوكك؟ ما بتزعجك؟ و بس تنام وين بتحطها تحت او فوق الغطاء!؟ انا و لا يوم قدرت اعمل دقن بالناقص همّ!
راح هالأبونا و صار يفكّر بأسئلة هالزلمي، انّو هوّي و لا مرّة زعجتو دقنو و لا حَسّا حمل تقيل و لا بينتِبه وين بتكون بس ينام! فات بدّو يصلّي ما كان يقدر يحسّ دقنو عم تشَوكو، كيف ما تحرّك مش مرتاح و ما قدر ينام! اوقات في هموم منحملها بفرح و ما منحسّ فيها بس لمّا حدا يدِل عليها بس لأنّو هوّي عندو مشكلة معها، فجأة بتتقَل و منصير حاسّين مش قادرين عليها! الصعب لغيرنا مش ضروري يكون النا كمان! ربنا بيعطي لكل واحد وزنات عا قدّو، ما بيعطي حدا اكتر ما بيحمل...اوثقوا فيه و شوفوا الإشيا بعيونو هوّي مش بعيون البشر...الله معكن

[walaa farouk]

ميرسي على زوادة اليوم
ربنا يفرح قلبك

[Mary Naeem]

شكرا على الزوادة
ربنا يفرح قلبك