|
 |
 |
 |
|
رقم المشاركة : ( 1 )
08 - 05 - 2023, 08:54 PM
|
|||||||||||
|
|||||||||||
 كانت عينها زرقا وشعرها فى الشمس بيبقى اصفر..👱♀️ كانت ودمها خفيف من صغرها.. كنت بشوفها زي القمر ، مميزة وحقيقي ذكية وشاطرة جدًا..🥰 كانت (تخينة) زي ما كانوا بيقولولها في الفصل🙂 المدرسة كلها مسمياها (بطيخة)… بتقعد جنب الشنط في البريك عشان لو جريت بيتريقوا عليها ويقولوا يا (كورة).😞 دخلنا الجامعة بقت بتشوف كل البنات بتتعاكس وتتحب وهي مش بيتقالها غير"باحبك زي أختي" عشان بتساعد كل زمايلها. بعد شوية حبت واتحبت .. اتخطبت وفرحنا جدا أخيرا..🥳💃 لكن في يوم وليلة اتسابت وبدل ما تلومه قفلت على نفسها وقالت أنا استاهل اتساب أنا من زمان عارفة أني ما استاهلش.. صاحبتي فضلت سنين محبوسة جوا فكرة ان مفيش سبب يخليها مقبولة في مجتمع دايمًا مقيم البنت " بالشكل ومقاييس الجسم المثالي للاسف"😒 زي اللي اتعود يعيش من غير أصحاب من كتر ما تقال ليه دمك تقيل..😡 واللي مقتنع أنه علشان غلط في يوم وعك يبقى ميستحقش يتشاف فيه أي جمال.. ولا يخدم و لا ولا !!! وحاجات كتير بنحرمه منها..😡 في وسط الزحمة ناس كتير واصلها رسايل رفض خلتها مقتنعة أنها تستاهل تتساب و يتغلط في حقها و كأننا بنأكد وبنقول ليهم هو داه تمامكم..😤 عارفين….! مش بنصدق حب الله لينا من كتر ما اترفضنا من الناس..💔 اللي أتعرض للتنمر و الرفض كفر بالحب كله . . الحب بالنسبة ليه وهم .. مش ملموس و لا مفهوم .. بالتالي مش عارف يتقبل محبه الله .. عشان باظت الحتة الي بتستقبل الحب جواه.. صدق انك ممكن تساعد شخص يرجع يحب نفسه لما يلاقي فيك محبة وقبول المسيح الي فقدناها في مجتمعاتنا… صالح الناس على محبة الله..❤️ شَجِّعُوا صِغَارَ النُّفُوسِ. أَسْنِدُوا الضُّعَفَاءَ. تَأَنَّوْا عَلَى الْجَمِيعِ." (1 تس 5: 14) ابدأ النهاردة بقرار واعي تقرب بحب وقبول وترحاب لأي شخص منبوذ في اجتماعك او كنيستك او شغلك.. ❤️ ابدأ بنفسك .. صالح غيرك علي الحياة 💪 
|
|
العرض الشجري