|
 |
 |
 |
|
رقم المشاركة : ( 1 )
01 - 01 - 2022, 06:33 AM
|
|||||||||
|
|||||||||
|
زوادة اليوم الزوادة اليوم مش لكل الناس.. هي لفئة معينة.. شايفة حالا انو هي محور الكون وانو باقي البشر هني مجرد ناس عاديين دون المستوى.. ناس منلتقي فين بالمجتمع حولينا.. وعلى فكرة هالزوادة مش للأدانة أبدا هي بس مجرد لفت نظر.. اذا كنت من هالفئة فيك تقرا الزوادة لأنو انا متأكدة يمكن شوي بتهزلك ضميرك بتعرف شو يعني لما بتسأل انسان على فراش المرض: "شو أهم شي بطلبو؟" ويجاوبك : "بدي بس صح وارجع اوقف على اجريي" وبنفس الوقت منشوفك انت زعلان لأنو بعد ما غيرت السللولير الي عندك وانو صاحبك جاب احسن موديل وانت لأ..؟ بتعرفي شو يعني لما تشوفي ناس تاركين بيوتن ومهجرين... وما في علين اي لبس يستر جسمن.. وبنفس الوقت انت عم بيتدوري وتبرمي بالسوق تتشتري فستان لازم يكون "سينييه" لمناسبة فرح او عشا.. والحجة انو "ما بيصير هالتياب شافوني فين قبل.. أو انو معقول فلانة تلبس أغلى وأحلى مني؟ بتعرف شو يعني لما تشوف ناس قاعدين بكوخ من تنك او من خيم قماش.. حلما بس انو سقف يحمين من الشمس او الشتي.. وبنفس الوقت انت مش عاجبنك عفش بيتك.. صرلو كم سنة عندك وزهقت منو .. انو معقولة الجيران يغيرو عفشن وانت لأ..؟ بتعرف شو يعني لما بتشوف ناس مشتهيين ريحة الأكل وعم بيفتشو بالزبالة على بقايا ياخدوها لولادن.. وبنفس الوقت انت بطران عم بتكب الأكل لأنو ما فيك تاكل الأكلة زاتا تاني يوم..؟ بتعرف شو يعني لما تشوف زلمه قد جدك.. عم بيجيبلك قهوة عالمكتب.. او عم بيمسح أحذية بالشارع.. وانت عم بتعامل الناس بفوقية وبتحكين من راس مناخيرك.. بس لأنو الله ناعم عليك او مسائبة انو عيلتك الي ولدت فيا هني أغنيا أبا عن جد..؟ بتعرف.. وبتعرف.. وبتعرف.. شو بدنا نعد لنعد.. المهم بالنهاية.. يا ريتك بتفكر بس شوي انو في ناس اساسيات الحياة بالنسبة الن هي.. حلم.. وأوقات حلم مستحيل.. بينما انت المتوفر والفايض عندك مش عاجبك يا ريتك بتوعى اليوم قبل بكرا لأنو بعد ما تروح من هالدني ما بقى في لزوم تعرف والله معكن  
|
|
01 - 01 - 2022, 07:08 AM
|
رقم المشاركة : ( 2 ) | ||||
|
..::| VIP |::..
|
رد: الزوادة اليوم مش لكل الناس.. : 1 / 1 / 2022 /
شكرا للزواده الجميله
ربنا يفرح قلبك |
||||
|
|
|
01 - 01 - 2022, 09:11 AM
|
رقم المشاركة : ( 3 ) | ||||
|
..::| الإدارة العامة |::..
|
رد: الزوادة اليوم مش لكل الناس.. : 1 / 1 / 2022 /
ميرسي علي زوادة اليوم
ربنا يفرح قلبك |
||||
|
|
|
01 - 01 - 2022, 10:44 AM
|
رقم المشاركة : ( 4 ) | ||||
|
† Admin Woman †
|
رد: الزوادة اليوم مش لكل الناس.. : 1 / 1 / 2022 /
شكرا على المرور |
||||
|
|
 |
|
العرض العادي
