|
 |
 |
 |
|
رقم المشاركة : ( 1 )
26 - 12 - 2021, 05:19 PM
|
|||||||||||
|
|||||||||||
 شغلانة منتشرة في كل مكان فيه ناس !! غالبا يعملها اللي شايف انه كبير في حد شايف انه بينافسه.. الاخ مطفشاتي "المحترف" ، يتقن الفن ده ؛ بعينيه الغضبانة ، بكلامه الساخر و الجارح ، بتصرفاته اللي بتوصلك رفضه ، بنصايحه اللي تبين لك فشلك (حتي و انت ناجح قوي ) .. تلاقيه في البيت مطفش شريك حياته و أولاده، في الشغل مطفش زمايله اللي تحته و اللي معاه و اللي اعلي منه .. و حتي في بيت الله ، يطفش اللي بيخدموا معاه علشان يستفرد بالقعدة و "يكوش" علي المكان كله .. المشكلة انه كمان مصدق نفسه لدرجة عجيبة ، و من كتر ما هو كده بيجذب حواليه المنافقين اللي بيصدقوا "عبقريته" الفذة .. مطفشاتي ده غلبان مع نفسه و من نفسه و بيطلع نقصه علي الناس علشان يغطي عليهم .. و ياما بسببه ناس حلوة و موهوبة قوي طفشت منه ، بعد ما جربت التفاهم و المواجهة و حتي الصدام، هروبا من "عدم اتزانه" و "قلة عقله" ، و بحثا عن نجاحها للي يقدرها و يحترمها.. للي بيطفش شريك حياته اللي بيترجي رضاه ، و الآباء اللي بيطفشوا أولادهم اللي هم جواهر حياتهم ، و للخدام اللي بيطفشوا الشباب الحلو اللي هو بركة الخدمة كلها : انتم خسرتوهم و خسرتوا وجودهم ، و زقيتوهم للغربة و أحيانا للشقي و الغلط و الوجع .. من الناحية التانية يا بخت العاقل اللي بيلم حبايبه حواليه ، و يطلع منهم احلي ما فيهم ، و يفرح لما ينوروا معاه و ينجحوا قبله ، لانه بيكسب و ينجح قبلهم .. 
|
العرض الشجري