|
 |
 |
 |
|
رقم المشاركة : ( 1 )
22 - 05 - 2021, 08:44 PM
|
|||||||||||
|
|||||||||||
 افتقاد_البنات_ياابونا_واحتويهم_في_الكنيسه_من_قسوه_ الدنيا💔 بالصدفة وانا مروحة عديت من جمب كنيسة ف دخلت أصلي . ..لقيت بنت صغيرة سنها 7 او 8 سنين واخدة ركن ف اخر الكنيسة حاطة راسها عالدسك وبتعيط😩😭... روحت قعدت جمبها بقولها مالك ياحبببتي فيكي ايه. ..ليه زعلانه كده ؟ ردت بتقولي هو انا شكلي وحش بس ردي بصراحة متكدبيش قولتلها بالعكس دانتي أمورة اووي ليه بتقولي كده قالتلي أصل صحابي ف البروفة مبيردوش يقعدو جمبي قالولي انتي شكلك وحش ولبسك وحش ومش حافظة كويس وبتلغبطينا متقعديش جمبنا !!! وحتي الميس ف العرض اختارت ال شكلهم حلو ووقفتهم قدام وانا وقفت ورا.... وكل مرة بروح اقعد لوحدي انا ماليش صحاب ومش هروح تاني البروفة انا وحشة هما احلي مني ويوم الجمعة ال فاتت لما غبت من مدارس الاحد ولقيت ماما بتتكلم ف التليفون افتكرتها الميس وقومت بقولها هاتي ياماما اكلمها قالتلي امشي دي صاحبتي مش الميس بتاعتك ..😢 حتي الميس ياطنط ماخدتش بالها اني غبت ومحضرتش جمعتين ورا بعض... ولما قالو في رحلة فرحت اوي ولما طلعت معاهم فضلت طول الرحلة لوحدي... انزل من اللعبة اكل سندوتش واكمل عارفة ياطنط حتي لعبة الطيارات دي ال بتلف كنت لوحدي ف الكرسي وكلهم قاعدين جمب صحابهم البنت فضلت تحكي بحرقة وعياط مش بتديني فرصة ارد حتي قولتلها طب ماما مش بتحكيلها ليه وتروح تتكلم مع الميس الرد ال قتلني ... ماما ..؟! طب ما ماما بردو بتقولي انتي وحشة دانا كل ما اغسل شعري عشان خشن واروحلها تسرحلي تفضل مضايقة وتقولي شعرك ده بيتعبني واوقات تقولي سرحي لنفسك وانا ياطنط مبعرفش اسرحه ولو نشف بيهيش وبتيجي تزعقلي وف البيت كلهم يتريقو عليا... وعشان كده لما صحابي ف الكنيسة قالولي شكلك وحش صدقتهم اصل ماما معوداني انها مبتكدبش عليا ف هي اكيد لماقالتلي زيهم مكنتش بتكدب وانا فعلا شعري هايش بصي طالع من التوكه ازاي في محاولات مني اني اقاطعها وارد علي كل موقف قالته وبعد ما اتكلمنا كتيرر بقولها ودلوقتي كان عندك ايه قالتلي بروفة مسرح ومش عايزة اطلع خليني هنا لوحدي مانا بردو فوق بقعد لوحدي والمستر مدانيش دور بقعد اتفرج عليهم هطلع ليه وحتي بعد البروفة كلهم المستر والميس بيفضلو يتصورو معاهم وانا محدش بيندهني اتصور ف بمشي خدتها ف حضني وفضلنا ساعتين قاعدين فضلت تحكيلي وعرفت انها بتحب الرسم ورسمها تحفة بجد وكمان بتحب البيانو اووي والعزف.... ايه ياجماعة ده !؟ ايه ال وصلناله ف كنايسنا ده التنمر جوة الكنيسة والانشطة ده بجد الخدام بيهملوا ف ولادهم كده عادي بنت ف 2 ابتدائي تقضي اجازتها بتلف علي انشطة الكنيسة وتحضر وتمشي عشان بتفضل لوحدها .. .محدش بيلاحظ ده بنت ف سنها ثقتها بتاخدها من البيت والكنيسة لا تلاقي هنا ولا هنا عشان خاطر المسيح ولادك ف الخدمة أماااااانة ابنك لما يغيب جمعة تسأل عليه ابنك لما يقعد لوحده مالوش صحاب خليك انت صاحبه وخده من ايده وعرفه علي صحاب ابنك ال شكله وحش ولبسه علي قده تعامله نفس معاملة ال لابس شيك ابنك ال حافظ كويس وصامم الترانيم واللحن متفضلهوش وتميزه علي ال لسه بيتلغبط ومحفظش ال ابوه كاهن ولا أبن خادم او خادمة زميلك تعامله نفس معاملة ال ابوه بواب وعلي قد حاله الدراسة هتبدء يعني حضانة ومدارس وجامعات يعني نموذج من البنت دي هيكون موجود ف كل مرحلة من دول ف ياريت زي ما بندي الولاد ف الخدمة قصص ودروس ندي ف جمعة درس عن التنمر وازاي بمحبة نتعامل مع بعض مش نتنمر علي بعض..ياريت نفهم ولادنا ان ده غلط واننا ولاد المسيح والمسيح معلمناش كده #أفتقد_انت_يارب_كل_ال_مالقاش_حد_يسأل_ف_غيبته🙏🙏😭 خلوا بالكو من ولادكوا🙌 #شجعوا_صغار_النفوس واحتوهم ف الكنيسة وألحقوهم من قسوة ال بيحصل معاهم ف الدنيا وال بيستغلوا ضعف ثقتهم ف نفسهم...... ياارب 🙏😥😞😞 
|
|
| قد تكون مهتم بالمواضيع التالية ايضاً |
| الموضوع |
| شجعوا صغار النفوس |
| شجعوا صغار النفوس |
| شجعوا صغار النفوس |
| شجعوا صغار النفوس |
| شجعوا صغار النفوس |
العرض الشجري