خليك حر

[walaa farouk]

ايه ده انت وقعت تانى 😂

مافيش امل ولا فايدة فيك 😊

لاء لاء الخطية جامدة المرة دى 💃

تفتكر هيسامحك؟! 🤔

لاء صعب ده سامحك كتير جدا 😊

ده انت مصبتك مصيبة يا اخى ده انا بتعلم منك
🙆‍♀️

عارفين الكلام ده 👆 كلام ابليس كل مايقولك كلام كدا اعرف انه عايز يسيطر على تفكيرك🧠 ويفضل يبررلك كل خطية انت عملتها ف حياتك وهتلاقى افكار كتير جدا كدا واكتر من كدا كمان💔 هيوهمك انك تفضل عايش مع خطيتك علشان انت نجس ... وهيقولك كمان هو انت بس ما كل الناس كدا ....! ياعم كبر دماغك واتبسط ب حياتك وشبابك🤗

بس لازم ناخد خطوات جد ونرفض كلامه ده لانه غلط 100%

نعمل ايه ؟! 🤔

- ثقة ف غفرانه ❤✋
احيانا بيجى ف دماغنا ان الخطية كبيرة او بنقع ف نفس الخطية كل مرة وابليس يداخل الشك ف قلوبنا من جه الغفران وان ربنا مش فاضي كل شوية يغفرلك كل ده(الخطايا الكتيرة) 🤦‍♀️🤷‍♀️

👇👇👇

(إنجيل متى 18: 21) حِينَئِذٍ تَقَدَّمَ إِلَيْهِ بُطْرُسُ وَقَالَ: «يَا رَبُّ، كَمْ مَرَّةً يُخْطِئُ إِلَيَّ أَخِي وَأَنَا أَغْفِرُ لَهُ؟ هَلْ إِلَى سَبْعِ مَرَّاتٍ؟»
قال له يسوع "لا اقول لك إلى سبع مرات ، بل إلى سبعين مرة سبع مرات "

تخيل المسيح بيقولنا فى الايه الحلوة دى
اننا نغفر سبعين مرة ل غيرنا ...! تخيل الهنا إلى قالنا كدا بقي هيغفرلنا ولا لاء هيغفر مرة ولا اتنين ويزهق ويمل منك ..... ! لاء ربنا غيرنا تماما مافيش نهاية ولا ل حبه ولا ل غفرانه ❤😎✋

(رسالة يوحنا الأولى 1: 9 ) "إِنِ اعْتَرَفْنَا بِخَطَايَانَا فَهُوَ أَمِينٌ وَعَادِلٌ
، حَتَّى يَغْفِرَ لَنَا خَطَايَانَا وَيُطَهِّرَنَا مِنْ كُلِّ إِثْمٍ. " 👈❤ لسه برضو شكاك ف غفرانه....! يسوع بيغفر اى خطية ❤✋

-نطبق الآية الحلوة دى ❤👇

«قاوموا ابليس فيهرب منكم».‏—‏ (يعقوب4:‏7)

* نقاوم ابليس ازاى؟
ب قعدة مع ربنا تتكلم فيها ب كل حرية عن كل خطية
.. ب صلاة مستمرة .... بقراءة كتابنا المقدس إلى بيتعامل مع كل حد فينا ع حسب حالته ومشاعره ومن خلاله بنسمع صوت الله. ❤🙈 نجرب نعيش مع ربنا ونعمل علاقة حقيقية مش علشان عايزين حاجة ( مصالحة) لاء ...احنا عايزين علاقة ابن ب ابوه 👨‍👧❤
نشاركه كل حاجة ف حياتنا الصغيرة قبل الكبيرة ناخده معانا ف كل مكان هنروحه ❤

- فى (إنجيل يوحنا 8: 36) فَإِنْ حَرَّرَكُمْ الابْنُ فَبِالْحَقِيقَةِ تَكُونُونَ أَحْرَارًا.

المسيح بيحبك اه كلك كدا ع بعضك ✌💜
مش معنى انك عملت خطية تفقد رجاءك فيه وتقول خلاص كدا هعيش كدا وهكمل حياتى كدا انا كذا وكذا ...... المسيح حرارك وعلشان كدا انت حر💃❤

- كل متتحارب ويجيلك افكار ب خطية او ب ماضي وجعك افتكر كويس...

الآية دى ❤👇

( الذي لنا فيه الفداء بدمه غفران الخطايا كولوسي 1 :14)
متخافش يسوع سدد الدين عنك ب دمه ❤ دمه الغالى إلى ميتقدارش ب كنوز العالم كله 💎🌍
هتقدار تتخلص من كل خطية ف حياتك من كل الم مريت بيها من اى حاجه تعبتك ووجعتك وكسرتك من اى ماضي بيطردك من كل فكر صعب وشرير هتبقى حر ب دم المسيح وبس ......، لو انت عايز ده ✋

-ليه عايز تعيش عبد ! 💔وانت ابن الملك🤴💜متستسلمش ل صوت ابليس لو سلمت هتيأس ..... هتعيش ف الخطية والنهاية انت عارفها كويس جدا💔✋ فى (رومية 6 : 23)

ايه جميلة ❤👇بتقول🤗

(لأن اجرة الخطية هى موت ، وأما هبة الله فهى حياة ابداية بالمسيح يسوع ربنا )
واضح الكتاب المقدس الطريق ده وده قال نهاية الخطية موت والقصد هنا مش موت الجسد بس لاء فى نوع تانى من الموت اسمه الموت الأبدى يعنى ( الهلاك الأبدى)😔

لو ملحقتش نفسك مش هتكون مع ربنا ف الملكوت ...
وقال ان هبة ربنا حياة ابداية بالمسيح.... #ب-المسيح بس✋ وعليك الاختيار انهى طريق هتمشي فيه...... 🥺

خلينا نكونا متفقينا اننا كلنا فينا خطية ومليانين كمان بس ربنا سترنا ب محبته ❤✋

" الجميع زاغوا وفسدوا معا ليس من يعمل صلاحا ليس ولا واحد" (رومية 3. 12 )

مافيش حد من غير خطية مافيش حد صالح او كامل الا المسيح ليه كل المجد ....❤🙏
وليس فيه خطية (1يو 3..5)

بس احنا غالين اوى ع قلب ربنا ع الرغم من الى بنعمله من خطايا 💔😔 هو جه الارض علشان احنا مش عبيد احنا اولاد ملك الملوك✌😎😍 ، علشان تكون لينا حياة أفضل وهى الحياة البداية❤ .... اختار حياتك ع الارض تكون فيها ابن ل ربنا مش عبد ل ابليس ✌ ،متقولش مافيش فايدة ✋خلى عندك إرادة ل تغير ( قلبك وفكرك واتجاة حياتك). 😌
اطلب لمسة شفاء منه 🙏وهو مش هيتأخر عنك 🌹
يسوع اختار الموت علشانك انت ❤🙈
محبته لينا كبيرة جدا ...محبة بدول مقابل حب بدون شروط ❤🙈
"ولكن الله بين محبته لنا ،لأنه ونحن بعد خطاة مات المسيح لأجلنا "(رومية 5. 8) هو فيه حب يوصل شخص بار لل موت مكانك🥺🤔 ايوة يسوع عمل كدا هو الوحيد إلى قالك بحبك واثبتها ب الفعل (ب موته عنك والماته إللى اتحمله علشانى وعلشانك )🥰🤗

الأيام دى اكتر وقت ينفع نتغير ونحاول نبعد عن الخطية متاجلش تانى عارفة ان الموضوع ممكن صعب وهيبقي ف حاجة اسمها السقوط المتكرار بس تأكد ان الله مش بيزهق منك ابدا حتى لو بتقع ف نفس الخطية انت ابنه وانتى بنته تفتكر لو جريت عليه بعد كل غلطة هيرفضك!؟ لاء حبه لينا عظيم جدا أكبر دليل كان الصليب ❤🙈 ✝️

حبه بيغير ويحرار ويشفى 🤗
محبته لينا عجيبة وكبيرة ❤
احنا اقوة من اى خطية ب يسوع❤💪✌

انا حرة ب دمه وصليبه 😍🙏
مافيش حد ف الدنيا حبنى زيه ❤
هو صحبى وبابا وحبيبي ودنيتى كلها🥰

ابوك مستنى رجوعك ل حضنه🤗
الهك مش محدود ولا ف حبه ليك ولا ف غفرانه تأكد من كدا ❤😌✌