من أجل المحبة

[Mary Naeem]

من أجل المحبة






"المَحَبٍَة تَحْتَمِلُ كُلَّ شَيْءٍ، وَ تُصَدِّقُ كُلَّ شَيْءٍ،
وَتَرْجُو كُلَّ شَيْءٍ، وَتَصْبِرُ عَلَى كُلِّ شَيْءٍ."
ومعرفش بتقتصر على ناس معينة ولا لأ، لأنه ربنا نفسُه حب كل الناس، لكن أنا ك إنسان مخلوق فيه ضعفات، أكيد مش هاعرَف أكون على وفاق مع بعض من الناس لأنه لا أنا قابلة بعض من الناس ولا هما كمان قبلني ده شيء طبيعي جدااا
و برضو معرفش الآية ديه يتتطبق في كل الأوقات ولا لازم ييجي وقت لو اللي قدامي مييستهلش
بس اللي متأكدة منه إنه فعلاً تقتضي إنه الواحد يصمُت و يعدّي حاجات و يعمل نَفسه مش شايف حاجات، ويحاول علي أد ما يقدر يدّي أعذار، و يحُط راحة اللي بيحبهم واللي مش بيحبهم قبل راحته
وسَحق ذاتَك و شخصيتك و تكبٍُرَك.. من أجل المحبة.
معرفش إلى أي مدى المحبة ديه بالشكل ده تقدر تِطَبَّق من قِبَل بَشَر..
و لكن اهَم حاجة إنه: <<قَلبَك مايمشّيش عقلك، ولا عقلك يمشّي قلبك، لأنه سواء ده لوحده أو ده لوحده، في الحالتين هتاخد قرار غلط، لازم [قلبك+عقلك] مع بعض، سواء كنت راجل (عملي بحت) أو ست
(عاطفية بحتين تلاتة أربعة).

إلى أي مدى وصِل بيك التحَمُّل
(من أي شخص)، من أجل المحبة؟!!!!