ايوب علمني

[walaa farouk]

ولسه برضه بقف مذهول قدام قصة ايوب وأسئلة كتير جوايا بتدور،
أنت صالح مابتجبش شر، أيوه أنا عارف، بس ليه رضيت أن كل ده يحصله؟
طب لو كان أيوب سابك وبعِد عنك كان هايبقى الحل إيه!!
بصراحة أنا مش عارف، ما هو اللي حصله ده كتير عليه،
بس أنا شوفتك بتديله نعمة خاصة، نعمة يعدي بيها الوقت ده
، حتى لو كل أسئلته فضلت زي ما هي مش لاقيلها إجابة،
بس كفايه أنك كنت معاه وجمبه موجود..
علمتني يا ايوب إزاي أمسك فيه حتى لو مش عارف ومش فاهم
، بس أنا متأكد أنه معايا