|
 |
 |
 |
|
رقم المشاركة : ( 1 )
25 - 08 - 2019, 10:03 PM
|
|||||||||||
|
|||||||||||
 * وانا بقرا في الكتاب المقدس لقيت قدامي اية " امراتك مثمرة في جوانب بيتك " يبقي اكيد ده صوت ربنا ليا اني اتجوز الجوازة اللي بساله عنها .. مش كدة ؟ * وانا كنت بسال ربنا عن رايه اني اهاجر ولا لا ولقيت في قراية النهاردة "وانتقل ابراهيم من المدينة وارتحل نحو الشمال " يبقي ده اكيد ربنا بياكد عليا انه موافق .. صح ؟ * اما انا بقي النهاردة كنت بسال ربنا بخصوص علاقتي بخطيبي افسخها ولا لا .. ولقيت الاية قدامي " خرجت لافتح لحبيبي ولكن حبيبي تحول وعبر " فاتاكدت ا ن ده صوت ربنا ليا اني ماكملش .. ولا ايه رايك ؟ .. رأيي ان الكتاب المقدس اعمق بكتير اوي اوي اوي من اننا نسطحه بالشكل ده ونحوله لحظك اليوم مع الابراج . . لو مش مرتاح في علاقة انت صاحب قراراك تكمل او لا . . لو محتار في جوازة ممكن تقعد مع مرشدين ومشيرين وهما هيساعدوك تاخد القرار .. لو عايز تهاجر ادرس الامر كويس بايجابياته وسلبياته وقرر . . انما ما تقولش الكتاب المقدس ايات تخدم مصالحك وهو بعيد كل البعد عنها . .. اما لو عايز تسمع صوت ربنا ويهمك مشيئة ربنا لحياتك وانك ماتخرجش عنها ويكون معاك في كل خطوة .. فصلي واطلبه بكل قلبك وركز جدا معاه وخد قوانين روحية من مرشدك الروحي او اب اعترافك خاصة بالصلاة والصوم والتكريس .. ولو انت امين ربنا هيرشدك ويوجهك بطرق كتيرة وهيقودك من جواك بس تكون عندك استعداد انك تطيعه . .. اما الكتاب المقدس فهو كتاب كنوز العلاقة الروحية بين الله والانسان منذ بدء الخليقة وحتي الحياة الابدية .. وهدفه التعمق في اسرار اللاهوت العظيمة واكتشاف الحق والحياة الحقيقية التي ينبغي ان تعاش .. فلا تستخدم هذه القدسات في تحديد قراراتك الشخصية بكل سطحية ! 
|
|
| قد تكون مهتم بالمواضيع التالية ايضاً |
| الموضوع |
| القدسات للقدّيسين |
| القدسات للقديسين |
| الداخلية تعلن عن رسوم تجديد رخصة القيادة الشخصية |
| القدسات للقديسين |
| القدسات للقدسين |
العرض الشجري