|
 |
 |
 |
|
رقم المشاركة : ( 1 )
31 - 07 - 2019, 08:16 PM
|
|||||||||||
|
|||||||||||
 دنيا عجيبة : اللي بيستاهل ما ياخدش ، و اللي بياخد ما يستاهلش؛ الظالم يسقفوا له و المظلوم يتجبروا عليه، القليل يتكبر علي المحترم، الأمين يتاكل حقه و اللي خان الأمانة عايش مرتاح .. و ده اللي حير الأنبياء: - لأني غرت من المتكبرين، إذ رأيت سلامة الأشرار (مزمور ٧٣ : ٣) - أبر انت يا رب من أن أخاصمك. لكن أكلمك من جهة أحكامك: لماذا تنجح طريق الأشرار؟ اطمأن كل الغادرين غدرا (أرميا ١٢ : ١) اوعي تتعب و لا تزعل ، لأنك مش شايف حاجات كتيرة قوي .. ١- مش شايف السماء اللي انت رايحها ، و المصير المرعب اللي بينتظر الأشرار .. ٢-مش شايف سلام الضمير و السلام و راحة البال اللي عندك و نار جهنم اللي قايدة بين ضلوعهم من ضمير تعبان و فكر محتار و مرعوب .. ٣-و لا شايف بيتك و صحتك و عيلتك و الستر اللي ربنا مغطيك بيه اللي مش عندهم.. ٤- مش شايف غني الصلاة و صحبة الله و عشرة الملايكة و القديسين اللي عندك و هم محرومين منها.. ٥- مش شايف الحب اللي جواك اللي مفرحك و محبب الناس فيك و اللي غايب عنهم مهما كترت فلوسهم و عزوتهم.. ٦- مش شايف ان عزك و سندك هو ابوك الالهي خالق الكون، و العزا الداخلي اللي بيسكبه فيك ، و هم متعذبين في احساس الوحدة الداخلي ، مهما كترت حفلاتهم و زادت ضحكاتهم و كان حواليهم اصحابهم.. ٧-مش شايف الثقة اللي عندك أن كله ح يبقي خير ليك مهما زادت ضلمتك، و الخوف اللي جواهم من الخير اللي عندهم لا يروح منهم مهما كانت قوتهم .. دنيا و مدورها سيدك.. اطمن انت ابن ملك الكون و رب الدنيا .. 
|
|
| قد تكون مهتم بالمواضيع التالية ايضاً |
| الموضوع |
| سبت نفسي للخطية عشت ليها سنين كتير |
| صرخه المكسور والمتألم ليها مكان كبير عند ربنا |
| أيها الألم أنت بحق لغز كبير! |
| اسئلة محيراني ليها كتير وبسببها بأجل وبهرب |
| عمرو أديب : هي دي الرجولة يابلد مبقاش ليها كبير |
العرض الشجري