|
 |
 |
 |
|
رقم المشاركة : ( 1 )
18 - 03 - 2017, 05:27 PM
|
|||||||||||
|
|||||||||||
|
- في " حكايات بنات " مشكلة " أحلام " إنها كانت طول الوقت مستنية عاصم .. مستنية يفضي ، مستنية توحشه ، مستنية يحس ، مستنية ينطق .. لحد ما وصلت إنها بقت تستني حتي جرس التليفون! ..مزاجها كله كان ممكن يتقلب لمجرد إنها كلمته وموبايله كان مقفول ، أو إنه سافر بشكل مفاجئ .. أو إنه اختفي فجاة كعادته .. لأن ده كان طول الوقت بيأكدلها إنها ولا أي حاجة في حياته .. بس لما ثائر ضغط عليها في مرة قالته فيما معناه " أنا ماينفعش أعاقبه علي حاجة أنا اللي مستنياها منه " .. - في " واحد صحيح " مريم بعد ما صرحت بكل مشاعرها تجاه عبدالله اعتذرتله قالتله " ماكنش ينفع أقول كده ، ماينفعش أشيلك ذنب احساس أنا اللي كنت حساه انت مالكش دعوة بيه .. بس غصب عني " .. - في مسلسل " الجامعة " ماريان كانت طول الوقت مستنية اسماعيل يحس بيها من غير ما تنطق ولا تلمح له بأي حاجة لحد ما في مرة راح اشتري هدية لواحدة صاحبته وكان بياخد رأيها فيها فقالتله " انت غبي يا اسماعيل ، انا كنت فكراك مابتحسش بس طلعت مابتحسش وغبي كمان " .. بس بعد كده لما قعدت مع نفسها اكتشفت ان المشكلة مش فيه .. المشكلة فيها هي . المشكلة في إننا ديماً بنبص علي أي موقف من وجهة نظر مشاعرنا إحنا ، ديماً بنستني رد الفعل اللي يعادل اللي جوانا .. ضحكة تعادل ضحكتنا في وجودهم ، ووجع يعادل وجعنا في غيابهم ، احتياج أد إحتياجنا ليهم .. ورضا وتقبل منهم لكل ده! ومابنبتديش ناخد بالنا غير متأخر أوي من حاجة مهمة إننا اللي اخترنا إننا نفضل بس " نستني"! 
|
|
العرض الشجري