شد حيلك، كمَّل، هتقدر، براڤو

[walaa farouk]

في النادي ...
طفل معاق بيجري في التراك وكل حد يعدي جمبه يقوله براڤو، احسن، شاطر، عاش يا بطل، ايه الجمال دا!!
وكل ما كان الطفل بيسمع كلمات التشجيع دي كان بيجري اكتر وكل مرة الحماس عنده بيبقى أكبر ..
خلينا نعمل كده مع كل اللي حوالبنا نشجع ونطبطب ونقول كلام يسند ويدي قوة حتى لو شخص ماتعرفوش، الناس دي بتعافر مع الحياة ومستنية كلمة تصبرهم على اللي هم فيه، ولو حتى بكلمات بسيطة ليه " شد حيلك، كمَّل، هتقدر، براڤو " كلمات بسيطة قليلة لكن هتدي زقة جامدة لمعنوياته..
ودورنا احنا نسند بعض علشان الحياة تمشي وتعدي، شد على كل إيد بتتعب علشان تستمر، قول كلمة تشجيع لكل حد بيتعب علشان تديله أمل ودفعة جديدة، وزع أمل جديد على اللي حواليك