يا ريت نقدملها النصيحة

[walaa farouk]

لو سمحتوا عايزه حل ضروري لمشكلتي
. عارفه انها ممكن متكنش كبيره بس هتجنن ومش لاقيه حد اتكلم معاه حتي أقرب الناس ليا. انا متجوزه بقالي 6 شهور مش فتره كبيره. واتجوزت جواز صالونات بس من كرم ربنا عليا اني حبيت جوزي جداااا وهو كمان

.مع العلم أنه كان متجوز قبلي وانفصل عن مراته بعد 6 شهور جواز وده بسبب مشاكل كانت من ناحيتها هي وليس دافعا عنه وبعد ما سألت ناس كتير لاقيته فعلا مظلوم.

.المشكله بقي أن جوزي كويس جدا معايا وبيحبني. وكل طلباتي مجابه وانا بموت فيه. .لكن لاسف أكتشفت بعد الخطوبه انه لسه ليه علاقات ببنات بعد طلاقه وعملت معاه مشاكل كتير وعرفته انها اكتر حاجه بتوجعني

.وبعد جوازنا من فتره قريبه عرفت أنه عنده اميل غير بتاعه باسم تاني وبتجيله رسايل عليه من بنات كتيره وواجهته. .عمل كل أساليب الصلح عشان اصالحه وصالحته ع طول وطلبت منه أنه يغلق الاميل وهو رفض انه يفتحه قدامي وعدي أسبوع واتنين ودخلت عليه لاقيت الاميل مش موجود. .وسألته أن كان لاغاه قالي اه. .دخلت من اميل تاني لاقيته مش موجود. .رجعت سألته قالي لسه مش لاغيته. .بس انا مش بفتحه. .ويصدف كذا مره الاقي انه فاتحه بس مرضتش اواجهه ولا اقوله انه لسه الاميل موجود تجاهلت الموضوع تماما. ..بس خلاص انا تعبت وعايزه حل.

.المشكله الأكبر اني مش حرماه من شي وبفضل الله بنحب بعض جدااا وكل عيلته بيقولوله ربنا عوض عليك. .وكمان الحمد لله انا شكلي حلو .يعني مفيش عيب عشان يروح يعمل كده بره. .ارجوكم انا حاسه انه بيخوني. .حتي ولو كانت ع الفيس إحساس يخنق

. .وكمان حبه ليا ومعاملته ليا بتجبرني اني اتجاهل الموضوع ده. .بس مش قادره عايزه حل وارجوكم ردوا عليا بسرعه