|
 |
 |
 |
|
رقم المشاركة : ( 1 )
30 - 12 - 2016, 03:59 PM
|
|||||||||||
|
|||||||||||
|
بنقفل سنه من عمرنا 2016 علي قد ما حاسين قد ايه كانت صعبه وكلها متغيرات واحداث حتي عقلنا مقدرش يستوعبها.... وعلي قد ما خسرنا ناس وعصفت بينا احداث.... لكن فى حقائق كتير محتاجين نقف عندها... - اتعلمنا حاجات كتيرة عن الدنيا ونفسنا سواء بمواقف وتحديات طلعنا منها بفهم مختلف سواء من تجاربنا أو تجارب ناس تانيه قدامنا. - فى ناس جديده دخلت حياتنا زي ما فى ناس خرجوا... وكل واحد منهم ساب فينا علامه ودرس..اللى خرج واللي دخل. - اكتشفنا فى مواقف كتير اننا اقوي من ما كنا متخيلين وبفضل الله عدينا بالتحدي و الازمه واكتشفنا فى نفسنا صفات جديده مكنش فى بالنا اننا هنقدر نثبت كده. - اكتشفنا فى مواقف اننا اضعف ما كنا فاكرين وان فى حاجات فرقت معانا قوي وهزتنا... ظهرت فينا الوجع والاحتياج والألم... اتالمنا ووقعنا وعدي وقت حسينا ان كده خلاص دي النهايه.. انا ممكن مقدرش اقوم من المرحله دي...وده دليل اني بني ادم .... انا بتوجع وبضعف وببكي كتير لوحدي..والالم ده دليل انسانيتي . -اتعلمت ان كل ما قاومت الألم ورفضت وجوده واستعجلت انه يعدي وردمت عليه...كل ما زاد الوجع.. وانفجرت فى لحظات تانيه مكنش فى اي سبب للانفجار.... وكل ما احتويت وجعي واحترمته وقبلته..كل ما زادني سلام وفهم . -اكتشفنا ان التغير هو الشىء الوحيد الثابت فى الحياه... التغير كان فى كل حاجه حوالينا وبسرعه..فى الناس والاحداث والاسعار والاحوال والجو ونفسنا... وكل ما قبلنا التغيير واتحركنا معاه كل ما الدنيا مشيت اسهل...وكل ما رفضنا التغيير كل ما الالم زاد وهتمشي الدنيا غصب عننا برضه. -وإن السرعه بقت فى حاجات كتيره الايام والاحداث حتي المشاعر... -اتعاملنا مع الموت كتير قوي وقربنا منه...بس ياتري فهمنا ايه عنه..وده غيرنا في ايه؟ -النعم اللي حاوطتنا كانت كتير قوي...من ستر... لناس وقفت جمبنا..لناس بعدت عنا... لنجاه من احداث وازمات وحوادث...للحظات بكاء وراحه ...ولحظات سعاده. -رسائل كتير اتكررت..لما فهمناها واتعلمنا الدرس عدت... لما مفهمناش عماله تتكرر نفس الرساله ..فعرفنا انا ليه بيحصلي نفس المشكله . -اتعلمنا ان ذاكرتنا قصيرة قوي وبتركز اكتر علي الوحش .. معانا او مع الناس..وبنشيل كتير... لكن لما نركز ونفتكر ..بنلاقي حاجات حلوة كتيرة وحاجات تبسطنا وتغير فكرتنا وترضينا ونقول الحمد لله... -اتعلمنا ان السنه عباره عن ساعات ودقايق..اللى بيخليها تختلف إحنا واللي بنعمله..ورؤيتنا للامور وتفاعلنا معاها. 2016 كنتي علامه فى عمرنا.. شكرا لكل حاجه اتعلمناها فيكي... ربنا فرحنا كلنا ويحقق كل امانينا 
|
|
| قد تكون مهتم بالمواضيع التالية ايضاً |
| الموضوع |
| في كل عيد ميلاد نحسب عمرنا بالسنين، لكن الله يحسب عمرنا بالأيام |
| مش ضمنين عمرنا |
| الماضى جزء من عمرنا |
| نرتاح باقية عمرنا |
| اخر يوم فى عمرنا |
العرض الشجري