|
 |
 |
 |
|
رقم المشاركة : ( 1 )
15 - 09 - 2016, 09:42 PM
|
|||||||||||
|
|||||||||||
|
ليه في حقد ؟؟ محدش فينا مامرش بمشاعر الحقد علي صديق ليه او صديقة ناجحين في اي مجال و لو حتي مجال بعيد عنه من الأساس , فبمجرد تواجد اي حد في نطاق معارفنا ناجح او متميز بتبتدي تظهر و لو بشكل خفيف مشاعر غيرة تجاه الشخص ده .. حتي أحنا نفسنا ساعات بنكون ضحية المشاعر ديه , فممكن تلاقي صديق ليك و حبيبك اوي لكن بمجرد تميزك في اي حاجة يبتدي يكن ليك مشاعر سلبية , واللي ممكن تظهر في كلام غير مباشر او سلوك غير مفهوم .. و اللي في الحقيقة بتكون غصب عنه .. الموضوع له جذور بيولوجية قديمة .. فمن بداية الحياة ع الأرض و الكائنات بتستخدم مشاعر الغيرة و الحقد عشان تطور و تحسن من نفسها , لغاية ما الغيرة بقت حاجة اساسية و مطلوبة عشان الفرد يدفع نفسه للأفضل و الأحسن ,, فلو انا ماحستش أن غيري أفضل مني عمري ما حشتغل علي نفسي عشان ابقي في وضع أفضل .. لكن الفكرة كلها , لما الإنسان الفاشل بيلاقي انه مش قادر يبقي افضل بانه يطور من نفسه فالحل بيكون انه يقلل من مجهود و مكانة الأخر .. فيبقي كأنه يضحك علي مشاعر الغيرة ديه بأنه يشوه صورة الاخر و يتعامل مع تفوقه بشكل طفولي و ساذج .. الموضوع مش بيوقف عن حاجز الفرد إنما علي مستوي الوعي الجمعي للشعوب , فبنشوف الشعوب الجاهلة المتخلفة تبتدي تمارس مشاعرها الحاقدة الهادمة تجاه أي حضارة متقدمة ,, فيكون في مشاعر كراهية بدون اي اسباب منطقية و ده بيدي الشعوب المتخلفة ديه شعور وهمي بأنهم افضل من غيرهم ! في النهاية الحقد او الغيرة كان هدفها إن الناس تبقي افضل , بس عشان دايما الوصول للافضل بيكون محتاج شغل و مجهود , و الإنسان بطبعه بيحب الحل الأسهل , فبتظهر مشاعر التدمير في الأخر و تمني له الأسوء .. ففي اللحظة اللي تحس انك بتحقد بكراهية علي صاحبك الناجح او انتي بتحقدي علي صاحبتك الجميلة .. بيكون السبب أنكوا شخصيات عاجزة عن تحقيق اي انجاز .. كيرلس بهجت 
|
|
15 - 09 - 2016, 09:43 PM
|
رقم المشاركة : ( 2 ) | ||||
|
..::| الإدارة العامة |::..
|
رد: ليه في حقد ؟؟
ميرسي على مشاركتك الجميلة
|
||||
|
|
|
16 - 09 - 2016, 06:44 AM
|
رقم المشاركة : ( 3 ) | ||||
|
..::| الاشراف العام |::..
|
رد: ليه في حقد ؟؟
ميرسى لمرورك الغالى  |
||||
|
|
|
16 - 09 - 2016, 12:52 PM
|
رقم المشاركة : ( 4 ) | ||||
|
† Admin Woman †
|
رد: ليه في حقد ؟؟
مشاركة جميلة جدا ربنا يبارك حياتك |
||||
|
|
|
17 - 09 - 2016, 08:36 AM
|
رقم المشاركة : ( 5 ) | ||||
|
..::| الاشراف العام |::..
|
رد: ليه في حقد ؟؟
ميرسى لمرورك الغالى
|
||||
|
|
العرض العادي
