شاهد ما تبقى من تفجير مديرية أمن القاهرة
سائق أتوبيس: «كل يوم شارع جديد يتقفل فى وشنا».. والمرور: دواعٍ أمنية
الثامنة صباحا، يشتد الزحام، يعلو الضجيج، مشادات السائقين فى ساعة الذروة نقلت ميعادها الرسمى من الظهيرة إلى الصباح الباكر فى شارع الأزهر الذى زاد اختناقه المرورى بعد حادث تفجير مديرية أمن القاهرة الشهر الماضى، وغلق كوبرى وميدان باب الخلق أمام المارة فى الاتجاهين.
هكذا أصبح المشهد معتادا متكررا بعد كل اعتصام أو حادث، لا شىء يزيد فى مصر سوى الميادين المغلقة، من ميدان التحرير، إلى رابعة العدوية والنهضة وباب الخلق «إحنا كل يوم بنغير مسار الأتوبيس عشان بنلاقى شارع جديد اتقفل».. قالها سائق الأتوبيس منفعلا بعد هجوم الركاب عليه لتغييره الطريق المعتاد: «طب أنا هعمل إيه؟ روحوا كلموا الحكومة والظباط اللى قافلين الشوارع».
يبدو المشهد واضحا فى تقاطع باب الخلق مع ميدان العتبة، سيارات النقل تواجه الأجرة وأتوبيسات النقل العام، تزاحم وتشابك يزيدان مع حركة المترجلين لتوجد حالة من العشوائية زادها غلق باب الخلق وكوبرى شارع بورسعيد اختناقا، بحسب الحاج محمد، أحد تجار الغزل على مدخل باب الخلق: «الشارع بقى على بعضه طول اليوم من أول ما بنفتح لحد ما بنقفل والمحلات مش عارفة تحمل بضايع على عربيات عشان المرور منعها من دخول الشارع وكل ده على دماغنا إحنا».
العقيد فتحى عمارة، رئيس غرفة عمليات القاهرة، أكد أن ما يحدث فى شوارع القاهرة حالة طارئة؛ نظرا للدواعى الأمنية: «إحنا فى حالة غير متكررة وصعب فيها إننا ننظم المرور بشكل منتظم وبنحاول على قد ما نقدر، مشكلتنا هى الجبهات التى نواجهها يومياً فى أكثر من مكان، فيا ريت الناس تعذرنا».
المصدر :
02 - 02 - 2014, 08:46 AM
العرض العادي
