الرب بيقاتل عنك وإنت مش محتاج غير إنك تثق

[walaa farouk]

فيه لحظات بتقف فيها ومش فاهم تعمل إيه…
بتحس إنك اتزنقت بين بحر قدامك، وعدو وراك، ومفيش طريق.
تحاول تفكر، تهاجم، تهرب، تصرخ… بس كل حاجة تقف.
وفي وسط الدوشة دي،
الله يقوللك بهدوء غريب:
“ٱلرَّبُّ يُقَاتِلُ عَنْكُمْ وَأَنْتُمْ تَصْمُتُونَ.” (خروج ١٤:١٤)
يعني اسكت شوية.
مش استسلام… لكن إيمان.
اسكت علشان تدي مساحة للي يقدر يعمل اللي انت مش قادر عليه.
اسكت لأن الحرب مش بتاعتك المرة دي، دي بتاعته هو.
اللي شق البحر بكلمة،
قادر يشق طريق وسط الفوضى اللي جواك.
اللي انت شايفه “نهاية” هو شايفه “بداية”.
فلو تعبت من المحاولات،
اقف مكانك… واهدأ.
لأن الرب بيقاتل عنك، وإنت مش محتاج غير إنك تثق..