|
 |
 |
 |
|
رقم المشاركة : ( 1 )
29 - 10 - 2025, 08:55 PM
|
|||||||||||
|
|||||||||||
|
في لحظات معينة من حياتنا.. تلاقي الذهن بيرجعك غصب عنك لمواقف تقيلة عدت عليك. . وجع خنقك.. دموع نزلت.. وأيام كنت حاسس فيها إنك مش هتعرف تعدي.. وبتسأل نفسك: إزاي عدت المرحلة دي؟ إزاي لسه واقف بعد كل اللي حصل؟ الحقيقة البسيطة إنك ماعدتش بقوتك.. ولا بذكاءك.. ولا لأنك كنت أجدع من التجربة.. لكن لأن إيد ربنا اللطيفة كانت شايلة.. لأن رحمته سبقت دموعك.. ولأنه هو الوحيد اللي كان شايفك وانت مكسور ومكنش راضي يسيبك تتهزم. لطف ربنا هو اللي بيحلي الأيام المُرّة.. وهو اللي بيحط بلسم على جرحك قبل ما حد ياخد باله إنك مجروح .. هو اللي بيحوّل المستحيل لعبور.. واللي كان ممكن يكسرك لباب جديد يفتحلك. وعشان كده كل ما نفتكر اللي فات.. لازم قلوبنا تتملي شكر.. لأن اللي أنقذنا من هناك هو اللي شايلنا دلوقتي، وهو اللي هيكمل معانا للآخر.. 
|
|
العرض الشجري