|
 |
 |
 |
|
رقم المشاركة : ( 1 )
27 - 10 - 2025, 05:16 PM
|
|||||||||||
|
|||||||||||
|
نوعان من الخَطايا: الأولى.. موجعة والتّانية.. مميتة! النَّوع الأوَّل.. هنّي الخطايا "الإجتماعيّة". وقت تتمرَّد عا قوانين المُجتمع، الدَّولة، الأهل، المدرسة، الشّغل، أو حتى قوانينك الشَّخصيّة! هيدا النّوع من الخطايا بالعادة بيستوجب عقاب محدود: • تنحَبَس كم يوم • تنطرد من الشّغل • بيدعوا أهلك عالمدرسة • بتنحرم من شَغله بتحِبَّا • أو حتى تنطرد من البَيت مؤلمة؟ أحيانًا. بس مميتة؟ نادرًا. لأنَّا ببساطة خطايا ضمن قوانين أرضيّة.. وحدودا أرضيّة.. وعقوبتا مؤقتة. لكن في نوع تاني من الخطايا.. ما بيمرق مرور الكرام. ما في سجن بيردّها.. ولا قانون بيغفرها! هاي لمَّا تتمَرَّد عا الله نفسه. لمَّا يقدّملك الخَلاص، ويعرض عليك النّعمة وتقلّو: "لأ" • تسَكّر دينَيك • تقسّي قلبَك • ترفض دَمّ يسوع يلّي انسَكَب كرمالك • تحتقر روح النّعمة! هيدي مش خطيّة إجتماعيّة.. هيدي تجديف على الرُّوح القدُس! هيدي خطيّة مُميتة! "فَكَمْ عِقَابًا أَشَرَّ تَظُنُّونَ أَنَّهُ يُحْسَبُ مُسْتَحِقًّا مَنْ دَاسَ ابْنَ اللهِ ، وَحَسِبَ دَمَ الْعَهْدِ الَّذِي قُدِّسَ بِهِ دَنِسًا، وَازْدَرَى بِرُوحِ النِّعْمَةِ؟" عبرانيين 29:10 فيك تلعَب مع الكلّ.. تكسِّر قوانين المجتمع.. تتحَدَّى الأنظمة الأرضيّة.. بَسّ إيَّاك تلعَب مع الرُّوح القدُس.. لأن إذا رفضت نِعِمتو، موتًا تموت! بَسّ الخَبَر الحلو، الدَّعوة اليَوم بَعدا مُتاحَه.. والفرصَة بَعد ما ضاعت.. "هوَذا الآن وَقتٌ مقبول، هوَذا الآن يَومُ خَلاص"! 2 كورنثوس 2:6 
|
|
العرض الشجري