الشفاء الحقيقي بيبدأ في سلامك الداخلي

[Ramez5]

‏🌿 "لما حد يختفي بدون تفسير، بيترك جوانا جرح اسمه: الأسئلة اللي مالهاش إجابة." 👉

الاختفاء المفاجئ مش بس نهاية علاقة.. ده نوع من الفقد الصامت اللي بيكسر فيك حاجة من غير صوت. 💔

💬 بتفضل تدور على سبب، على كلمة، على مبرر يخليك تفهم اللي حصل.. لكن كل اللي بتسمعه هو الصمت، وصوت الأفكار اللي مش بتقف جوه دماغك.

📑 لما حد يختفي، بيحصل ارتباك نفسي كبير.. العقل بيحاول يركّب الأحداث عشان يفهم، بس لما مبيلقيش إجابة، بيبدأ يوجّه اللوم للذات:

← "يمكن أنا السبب؟ يمكن عملت حاجة غلط؟" 🥺

وساعتها بيتحوّل الوجع من وجع فقد.. إلى وجع شك في نفسك. 🥺

← وده من أصعب أنواع الألم، لأنك بدل ما تحزن على اللي راح، بتبدأ تحزن على نفسك. 💔

🍃 الاختفاء المفاجئ بيخلق حالة اسمها في العلاج النفسي "الجرح المعلق - unresolved wound".

وكأن دا أصبح جرح ملوش نهاية، لأنك ماخدتش فرصة تفهم، أو تودّع، أو تكمّل.

تفضل المشاعر مفتوحة زي صفحة ما اتقفلتش،
وكل مرة تفتكرها.. ينزف الوجع من جديد. 🥺

✨ الأصعب إنك ممكن تفتكر الشخص اللي اختفى
كل مرة تشوف موقف بيشبهوه، أو كلمة كان بيقولها.. فتعيش نفس الدائرة من البداية، وكأن الزمن ما اتحركش.

🔴 لكن الحقيقة..
الشفاء مش في إنك تفهم “ليه اختفى؟”
لأن حتى لو عرفت السبب، مش دايمًا هيشفي الوجع. 😥

🟢 الشفاء الحقيقي بيبدأ لما ترجع تبني علاقتك بنفسك، وتفهم إن قيمتك مش في وجود الناس أو غيابهم، لكن في سلامك الداخلي. 🌿

اللحظة اللي توقف فيها وتقول لنفسك: "أنا كفاية" 🤍🌱 حتى لو محدش وضّحلي أو جاوبني." 🌼

← هي اللحظة اللي بتبدأ فيها تتعافى بجد. 🤍🌿

🖇️ في الجلسات النفسية بنساعدك تفهم الجرح ده بعمق، إزاي تتعامل مع الصدمة الصامتة، تمسك الخيط اللي اتقطع، ترجع تبني إحساسك بالأمان، وتحرّر نفسك من الأسئلة اللي بتوجعك كل يوم.

📍مش علشان تنسى.. لكن علشان تتعافى وتسترد نفسك من وسط الغياب. 🍃

✳️ لو مريت بتجربة اختفاء مؤلمة أو وجع عاطفي لسه مأثر فيك، أو لو إنت حاسس إنك لسه عالق في وجع اختفاء أو خذلان..

💬 يمكن أول خطوة للتعافي تكون إنك تتكلم.. خطوة صغيرة ممكن تغيّر كتير. 🤍🌿

🖇️ لأن الجرح المعلق مش بيتحلّ لما تفهمه، لكن لما "بتسمح لنفسك" تعيشه وتتعافى منه خطوة بخطوة. 👉

سيف ناصف | أخصائي العلاج النفسي.