يا رب قوّي قلوبنا وعلّمنا إزاي نبدأ من جديد

[walaa farouk]

ابعد عننا يا رب الاكتئاب والشدائد، والخيبات
، وكل ما يهزم النفس ❤️🙏
ابعد عننا التعب اللي ما له ملامح
، والليالي اللي النوم فيها بعيد،
والضحكة اللي بنحاول نرسمها عالوشّ عشان نخبّي بيها وجعنا.
احمينا يا رب من اللي يسرق طاقتنا،
ومن المواقف اللي تكسر فينا من غير ما نحس.
خلينا دايمًا فاكرين إنك قريب…
حتى لما بنسكت، حتى لما بنبعد، حتى لما بنتوه.

يا رب، هات لنا راحة، مش راحة في الظروف،
لكن راحة في القلب.
هات لنا سلام يطمننا إن اللي راح كان لازم يروح،
وإن اللي جاي فيه خير مش شايفينه دلوقتي.
خلينا نصدق إن كل وجع ليه معنى، وإن كل خيبة كانت سكة للنجاة.

يا رب، قوّي قلوبنا، وعلّمنا إزاي نبدأ من جديد،
وإزاي نحب الحياة من تاني حتى بعد الخسارات.
خلينا نعيش بنورك، ونرجع لنفسنا الطيبة اللي بتتعب وبتسامح وبتقوم.
ابعد عننا الاكتئاب والشدائد، والخيبات،
وكل ما يهزم النفس… واملانا برضاك ونورك يا الله ❤️