|
 |
 |
 |
|
رقم المشاركة : ( 1 )
06 - 10 - 2025, 09:40 AM
|
|||||||||||
|
|||||||||||
|
اللى يعمل معاك الغلط وهو مش حاسس بيك ولا بتعبك ماتسبس شغلك لو ... انهرده الفجر تليفونى رن من واحد صحبى قومت مفزوع مش عاوايده يسهر اصلاً، قولت اكيد فى مصيبه .. اول كلمه قالهالى انا لازم اسيب الشغل.. قولتله اهدى بس فى ايه ؟؟ قالى المدير حاطط عليا جامد بينزلنى كل يوم من الساعه ٧ الصبح ، وانا اصلاً معادى الساعه ١٠ .. وكلمته اكتر من مره مش هاينفع عشان بودى العيال المدارس الصبح .. يقولى معلش نسيت خالص انا ظبطت الجدول بتاع الشهر ده ، معلش اظبطهالك الشهر الجاى وتنزل فى ميعادك الرسمى.. وكل شهر على كدا يريح الناس ويتعبنى انا ويوعدنى ومايوفيش ابداً.. قولتله طيب وال٣ ساعات دول فيهم فلوس اضافى ؟؟ قالى لا بيقولى هاعوضك ومافيش اى تعويض غير ان حياتى متشقلبه وبس .. قولتله طيب ماتكلمه اخر مره خساره شغلك .. قالى اكلمه فى ايه ؟؟ اكلمه فى حاجه هو مش معترف بيها انها غلط اصلاً، اكلمه فى حاجه تعبانى وهو مش حاسس بيا اصلا. ولا بتعبى ولا بحياتى المتشقلبه .. قلة الكلام مع الناس دى احسن ، اللى يعمل معاك الغلط وهو مش حاسس بيك ولا بتعبك ولا حاسس بغلطه اصلاً ، ماينفعش تكلمه اصلاً عشان انت كدا هاتحرق اعصابك على الفاضى.. بصراحه كلامه عجبنى جداً خصوصا ان فى ناس فى حياتنا كدا بالظبط لا حاسين بينا ولا بتعبنا فا قلة الكلام معاهم احسن والتجاهل احسن حل.. 
|
|
العرض الشجري