الإشارات الربانية مش مجرد صدفة أو خيال

[walaa farouk]

يمكن أكتر حاجة بنفوتها على نفسنا
إننا نختزل ربنا في صورة “صوت مباشر” أو “معجزة واضحة”
، وننسى إن ربنا بيتكلم بلغات أوسع وأعمق من كده بكتير.
الإشارات الربانية مش مجرد صدفة أو خيال،
دي رسائل مرسومة بعناية من إيدين محبة،
بتوصل في الوقت المناسب عشان تجاوب على أسئلتك اللي بتصرخ جواك.
أوقات الإجابة بتكون في موقف بسيط،
في كلمة من شخص مكنتش متوقعها،
في باب اتقفل قدامك وأنت كنت شايفه هو الأمل الوحيد.
هو مش بيجاوبك بالطريقة اللي “إنت” متوقعها،
لكنه بيجاوبك بالطريقة اللي “أنت محتاجها”
علشان تتبني وتتعلم وتثبت أكتر.
افتكر دايمًا إن كل إشارة من ربنا مش مجرد تفصيلة عابرة،
لكنها إعلان حب بيقولك: “أنا سامعك.. أنا شايفك..
وأنا بجاوبك حتى لو مش بالكلام اللي إنت عايزه تسمعه.”