خلّي حنانك يسبق أي امتحان

[walaa farouk]

ساعات كتير بنفتكر إننا أقوياء،
وإننا نقدر نواجه أي حاجة، بس الحقيقة؟ إحنا أضعف بكتير من التجربة.
إحنا بنقع بسهولة، بنصدق الكذب، ونتعب من أقل وجع..
علشان كده، بنصرخ ونقولها من قلبنا:
“يا ربنا، ما تدخلناش في تجربة..
إحنا مش قدها، وإنت عارف قلوبنا قد إيه هشة وضعيفة.”
دي مش جملة بنرددها، دي رجاء إنك تحمينا
من اللي ممكن يكسرنا أكتر ما احنا مكسورين.
رجاء إنك تمسك إيدنا قبل ما نقع، وتسندنا قبل ما تضعف أرواحنا.
خلّي قوتك في ضعفنا تكفينا، وخلّي حنانك يسبق أي امتحان.