|
 |
 |
 |
|
رقم المشاركة : ( 1 )
17 - 05 - 2025, 12:10 PM
|
|||||||||||
|
|||||||||||
|
ابعدوا عن الناس اللى بيقلقوا وبيتوترو وبيكهربو لما كنت فى امتحانات ثانويه عامه كان معانا واحد صاحبنا بيقلق جدا ومتوتر وعلى طول تشوفه بياكل فى ضوافره وخايف وقلقه ده مش طبيعى لا ده حاجه كدا غريبه يعنى مش بيقلق بالكلام وبس وانه يقول انا قلقان وخلصنا على كدا لا ده بيقلق وبيتوتر بطريقه بشعه تقف معاه تلاقيه حركات جسمه وايديه وتعابير وشه كلها بتقول انه خايف وقلقان واننا داخلين على مصيبه او كارثه والامتحان هايجى من بره المنهج ومش هاتعرف تضرب خط فيه .. المهم اول يوم عربى روحت بدرى عن الامتحان بساعه عشان اعرف لجنتى وكدا ، اذ فجأه اقابل صاحبنا ده وكالعاده لاقيته متوتر وقلقان ويقولك اصل انا سمعت اللى هايحط الامتحان هو اللى حطه السنه الفلانيه واللى ماحدش نجح فيها ، واصل انا سمعت ان الجزء اللى اتلغى رجعوه امبارح وقالو هايجى فى الامتحان .. يخرب بيتك على بيت معرفتك انت طلعتلى منين .. خلانى واقف متكهرب وعدانى فى لحظه بالقلق بتاعه وخلى بطنى تكركب وداخل الامتحان ايدى بتترعش وحالتى صعبه ، لدرجة ان السؤال عارف اجابته بس من الخوف مش قادر ارتب افكارى ... ومن ساعتها لحد الان بحلم بكابوس انى داخل امتحان عربى ومش عارف اجاوب .. الخلاصه ابعدوا عن الناس اللى بيقلقوا وبيتوترو وبيكهربو اى جو بافكارهم الغريبه .. القى على الرب همك وهو يعولك   
|
|
العرض الشجري