هل التناول دا مش جسد حقيقي ودم حقيقي للمسيح دا بس علشان نتذكر المسيح !!!! ( اصنعوا هذا لذكري )

[walaa farouk]

في ناس بتقول إن التناول دا مش جسد حقيقي ودم حقيقي للمسيح وإنه كمان ملوش لازمة ، دا بس علشان نتذكر المسيح !!!!
( اصنعوا هذا لذكري ) ... إيه رأيك ⁉️🤔

📌 اللي بيقول كدا يبقى مش مصدق كلام المسيح
ولا كلام الإنجيل ولا كلام القديسين على مدار 2000 سنة ... !!✋👌

☝ السيد المسيح بنفسه قال إن الخبز دا هو جسده
وعصير العنب دا هو دمه 👌..
هل السيد المسيح كان بيبالغ في الكلام ⁉️🤔

🌸 السيد المسيح كلامه دقيق وواضح
( أخذ يسوع الخبز وبارك وكسر وأعطى التلاميذ
وقال خذوا كلوا هذا هو جسدي ) { متى 26 : 26 }📖♥️

⚠️ خد بالك "خبز" .... وبعد الصلاة أصبح "جسدي" 🥰
( وأخذ الكأس وشكر وأعطاهم قائلا اشربوا منها كلكم
لأن هذا هو دمي الذي للعهد الجديد الذي يسفك من أجل الكثيرين لمغفرة الخطايا { متى 26 : 27-28 }📖♥️

🌼 يبقى كأس عصير الكرمة صلى عليها
وقال " هذا هو دمي " وكمان " للعهد الجديد "
يعني إحنا .. وفائدته إنه " لمغفرة الخطايا "
لما مغفرة الخطايا ملهاش لازمة أمال إيه اللي ليه لازمة ⁉️🤔

✊ إن إحنا ندخل الكنيسة نرقص ونهلل ونصقف
ونزغرد وموسيقى عالية !! هي دي الكنيسة اللي قيل عنها
( ببيتك يا رب تليق القداسة )🙄✋

🌙 والسيد المسيح اللي شوية بياعين عاملين دوشة
في الهيكل طردهم بالكرباج ..!!
تخيل لو السيد المسيح اللي مكانشي يصيح
أو يسمع أحد في الشوارع صوته ينزل على الأرض ودخل كنيسة لقى المسيحيين اللي فيها مشغلين سماعات موسيقى
وهاتك يا زعيق ورقص هيعمل إيه فيهم ⁉️🤔😒

✨ وربنا قال ( من يأكل جسدي ويشرب دمي يثبت في وأنا فيه ) {يو 6 : 56}📖✋ .. #اللي مش عايز يثبت في المسيح هو حر ..
دا ربنا قال ( إن لم تأكلوا جسد ابن الإنسان
وتشربوا دمه فليس لكم حياة فيكم ، من يأكل جسدي
ويشرب دمي له حياة أبدية وأنا أقيمه في اليوم الأخير )
{ يوحنا 6 : 53 - 54 }📖👌✋

⚜️ يعني بدون تناول مفيش ملكوت .
. مفيش حياه أبدية .. اللي شايف إن الملكوت
ملوش لازمة هو حر في نفسه✋ ..

🪐 يبقى التناول بيغفر خطايانا ويثبتنا في المسيح ويعطينا الملكوت ... المسيحي اللي يعتبر إن دا ملوش لازمة يبقى هو ملوش لازمة 👌

✍ وبعدين الإنجيل بيقول اللي يتناول من الجسد والدم بدون استحقاق يبقى مجرم. تخيل بقى اللي مش بيتناول أصلا يبقى إيه ؟!!!🙄

( من أكل هذا الخبز أو شرب كأس الرب بدون استحقاق يكون مجرما في جسد الرب ودمه ) { 1 كورنثوس 11 : 27 }📖✋

🔱 المسيحيين اللي مش مصدقين حاليا إن الخبز
وعصير الكرمة يتحول إلى جسد الرب
ودمه عاملين زي اليهود اللي في أيام السيد المسيح
لما قال لهم المسيح👇

( أنا هو الخبز الحي الذي نزل من السماء
. إن أكل أحد من هذا الخبز يحيا إلى الأبد
. والخبز الذي أنا أعطي هو جسدي الذي أبذله من أجل حياة العالم، فخاصم اليهود بعضهم بعضا قائلين:
«كيف يقدر هذا أن يعطينا جسده لنأكل؟» ) { يوحنا 6 : 51 }📖👌✋