فيه سلام بيحفظ قلبي

[walaa farouk]

جه وقت حسّيت فيه إني واقف على حافة مجهول،
مش عارف بكرة مخبّي لي إيه!!
قلبي مليان قلق، وأسئلة كتير بتلف في دماغي:
“هقدر؟ هنجح؟ هتعدي الأزمة دي؟”

وفجأة، جات قدامي الآيات دي:

“لاَ تَهْتَمُّوا بِشَيْءٍ، بَلْ فِي كُلِّ شَيْءٍ بِالصَّلاَةِ وَالدُّعَاءِ مَعَ الشُّكْرِ
، لِتُعْلَمْ طِلْبَاتُكُمْ لَدَى اللهِ.
وَسَلاَمُ اللهِ الَّذِي يَفُوقُ كُلَّ عَقْل، يَحْفَظُ قُلُوبَكُمْ
وَأَفْكَارَكُمْ فِي الْمَسِيحِ يَسُوعَ. (فيلبي ٤: ٦، ٧)

الكلام ده لمسني قوي… لأني كنت بدوّر على إجابة،
وربنا إداني سلام بدل الإجابة!
مش لازم أعرف كل التفاصيل عن بكرة،
لكن اللي لازم أعرفه هو إن الله ماسك بكرة في إيده.

أنا مش لوحدي في القلق ده، ومش محتاج أشيل همّ كل حاجة…
لأن فيه سلام بيحفظ قلبي،
سلام مش بيعتمد على الظروف، لكن بيعتمد على حضوره.
وهو حاضر!

[Jesus follower]

آمين يارب يسوع المسيح...مشاركة متميزة..ربنا يبارك خدمتك 🙏🙏✝️✝️🙏🙏✝️✝️