لكل يوم زوّادة: أمانة على هالأرض : 30 / 9 / 2021 /

[souad jaalouk]

لكل يوم زوّادة: أمانة على هالأرض

بيقولو الإشيا بِتْضاين وقت اطول كل ما اهتمّينا فيها اكتر...من نحنا و زغار اهلنا بيوَصّونا ننتبه عا غراضنا و ما نضيّعن و ما ننزعن. هيدا اذا عم نحكي عن الغراض طيّب و نحنا؟ اذا ما اهتمّينا بحالنا منكون عم ننؤذي بلا ما نقصد و انتبهو هيدي مش انانيّة، ربنا قلنا انّو اجسادنا هياكل للروح القدس و نحنا ملزمين نحافظ عا هالهيكل و نفسيّتنا كمان قطعة من هالpuzzle، اذا نفسيّتنا تعبانة متل كأنّو بتخلص "بطاريّتنا" اسرع...اذا كنتو بمطرح عم يزعجكن، فِلّوا! اذا في ظروف عم تشدّ فيكن نزول ما تستسلمو، شدّو بعكسها. روحنا و جسدنا امانة موقّتة معنا، و كلنا اذا شخص سلّمنا امانة منحطها بعيوننا و ما منغفى عا مخدّيتنا حتّى نردها لأصحابها متل ما استلمناها و احسن و نفس الشي بيتطبّق علينا، نحنا بحد ذاتنا امانة عهالأرض...اهتمّوا بحالكن و حِبّو حالكن حتّى تقدرو تقبلو و تحبّو غيركن...الله يبارككن

[Ramez5]

ميرسى على زوادة هذا اليوم المبارك

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب

[بنت معلم الاجيال]

ربنا يبارك خدمتك