|
 |
 |
 |
|
رقم المشاركة : ( 1 )
18 - 08 - 2021, 06:23 AM
|
|||||||||||
|
|||||||||||
 عزيزي الله.. عارفه ان الجوابات هي اكتر طريقه رسميه ممكن اكون بكلمك بيها.. بس يمكن الكلمات هربانه بقالها وقت.. يمكن الأشواق بردت والقلب اتسربت ليه البروده فمبقاش قادر ينبض... مافيش حاجه انت خلقتها ماتقدرش تفديها.. كل غلطاتي، كل جروحي، كل نتايج حصلت نتيجه جهل او غباء عارفه انك تقدر تفديها... عارفه انك تقدر ترد وتهدي من تاني.. في يوم طلبت حياه ليها معني وغرض لكن هل ممكن اعيد التفكير تاني لأنه الموضوع طلع اكبر من تصوراتي؟! المشوار طويل اوي يارب.. طويل فعلا.. وليالي ضلمه كتيره... كم التشوه من اول القلب لحد ردود الافعال التلقائيه مرعب وعلشان كل دا يرجع لصورته الأصليه محتاج وقت ومجهود ومعافره ونفس طويل.. اوي.. و انا تعبت.. صبري خلص.. طاقتي خلصت.. مش ممكن اسلم الرايه بقي؟! مش كفاية كدا؟! ليه الحياه اللي تستاهل بالصعوبه دي؟! ليه المشوار مليان بالوحده والوحوش؟! ليه لازم نتجرد من كل حاجه ونبقي بهشاشه كفيله انها تنهار مع التحديات العاديه؟! ليه الحرب والصراع علي مستويين جوه وبره؟! "اناء للكرامه... اناء ناقل للبركه.." "محارب في معركه.. يعلم يديا القتال" احلام في القلب كانت في يوم قادره تشعل شراره فيه وتلهبه وتلهمه.. لكن النهارده بقت حمل وعبء.. ازاي الحلم اتحول لعبء؟! امتي القلب اللي بينبض بقي غرقان في دمه وبدل ما كان منبع حياه بقي بيستحوذ عليها ويستنزف اي حياه تقربله؟! انت مازلت "بابا" لكن مؤخرا كل تعاملاتنا بتحصل من مكتبك.. انت مش بعيد ولا باب مكتبك مقفول لكن القعده اختلفت كتير.. جايز دا المطلوب.. دا اللي انا محتاجاه اني اقابلك واتعامل معاك بنضوج اكتر... مش طول الوقت هابقي المدلله اللي طلباتها مجابه لكن في وقت لازم توريني انت مين في دايره الحياه ودورك؟! لازم احضر مقابلاتك مع قادة جيوش وممالك علشان أدرك مين هو بابا؟! عزيزي.. انت قولت انك جيت علشان تكون لينا حياه ويكون لينا افضل.. انا مش هسأل عن الافضل.. لكن هسأل بس عن الحياه.. فين هي الحياه؟! 
|
|
العرض الشجري