بيخبرو عن شب صار عندو كورونا و عندو حجر 14 يوم، عم يقول لرفقاتو انّو كتير عم يزهق و ما عم يلاقي شي يعملو و ضايق خلقو كتير. قالولو ما طول عمرك ما بتحبّ العجقة و بتحبّ تبقى وحدك و كنت تضل تتمنّى تاخد عطلة و تروح ترتاح بعيد عن الناس هلّق صرلك فرصة و مش عاجبك! بتعرفو شو جاوبن؟ قلّن كل اللي قلتوه مزبوط بس بإرادتي! اذا انا بدّي اقعد وحدي بقعد، كتير بشع تنجبر تعمل شي حتّى لو قد ما كنت بتحبو! الله خلقنا احرار و بيعرف اهميّة الحريّة بالنسبة للإنسان و ما جبرنا بشي! قلنا شو الصحّ و شو الغلط و عطانا حريّة الإختيار الكاملة...بهالوقت اللي نحنا فيه استعملو حريّتكن بضمير و مش عا حساب حريّة غيركن مثلا انتو حرّين تقولو انّو ما في كورونا بس مش حرّين تِعدُو غيركن و مش حرّين تكونو بلا مسؤوليّة و مش حرّين اهمالكن يوقّف حريّة غيركن بإرادة الصحّة و الحياة!
10 - 01 - 2021, 05:11 AM
العرض الشجري