|
 |
 |
 |
|
رقم المشاركة : ( 1 )
17 - 09 - 2020, 09:02 PM
|
|||||||||||
|
|||||||||||
 · (((( اشكرو ربنا كثيرا علي ما أنتم فيه )))) في واحده اتخانقت مع جوزها خناقه جامده بسبب الظروف المعيشيه وصعوبة الحياه .... فقررت تسيب زوجها والاولاد وتطفش وفعلا هربت بالليل بعد ماكل اللي في البيت ناموا ، وفضلت تتسحب بشويش من جنب شبابيك البيوت اللي حواليها علشان محدش يسمعها 🌸 وهي بتتسحب عند اول شباك سمعت ام بتدعي ان ربنا يشفي ابنها المشلول اللي مش عارف يلعب زي باقي الاطفال🌸 وسمعت ست بتصرخ لربنا انه يديها طفل او حتى روح في حجر🌸 وسمعت زوجة بتدعي ان ربنا يهدي جوزها ويزود رزقه🌸 وسمعت بنت بتصرخ لربنا وتقوله ماما وحشتني اوي لكني واثقه انها عندك في مكان حلو🌸 سمعت واحدة بتقول صاحب البيت هيطردنا في الشارع انا والعيال بسبب الايجار ارجوك اتصرف🌸 سمعت مشاكل كتير جدا مكنتش حاسه بيها لأن بمجرد مابيجي النهار والكل يطلع من بيوته ، الوشوش بتتساوى والمشاكل بتتركن علي جنب ، ومابيحسش بيها غير اللي شايلها في قلبه ومداري لما سمعت كده رجعت بيتها جري وشكرت ربنا على نعمة الزوج ونعمة الرزق ونعمت الاولاد ونعمة البيت🌸🌸🌸🌸 حرفيا ، كل البيوت فيها مشاكل اوعي تضايقى لما تشوفى كل اللي حواليكى بيتظاهر بالفرح ، اوقات كتير الناس بتظهر عكس اللي بتعيشه علشان محدش يركز في عمق مشاكلهم البائسه ، وان كانوا فعلا في فرح ربنا يزيدهم ويزيدك ،، ماتقارنوش حالكم بحال غيرك اشكر ربك على كل حال 
|
|
العرض الشجري