زوادة اليوم: شو هيي الشجاعة؟ الشجاعة مش انك تخاطر بحياتك و لا انو تكب حالك بلا ما تفكر بالنتايج و لا انك تعمل اعمال خارقة! الشجاعة هيي بكل بساطة انك ترجع تجرب بعد ما تفشل، هيي انك تواجه مشاكلك مش تهرب منها، هيي انك تسامح بوقت الحقد اهين بكتير هيي انك ما تيأس...و نحنا ولاد الله ممنوع نيأس نحنا ايماننا رجا! ما حدا قال لأنك مسيحي ما رح توقع بالعكس رح توقع كتير! بس انت عارف انو ما بيهم اذا بتوقع لأنو في حدا رح يستلقيك و يهديك هوي يسوع! كون شجاع بقراراتك و ما تخاف. اوقات لأنو قررنا نعمل الشي الصح رح يكلفنا كتير تضحيات بس دايما فكرو انو شو تضحياتنا قدام المسامير اللي انصلب فيهن يسوع! الشجاعة اليوم هيي انك تعيش مسيحيتك للآخر و ما تكون مسيحي بالحكي بس. حب الكل، احكي مع الكل، ساعد الكل، صلي عا نية الكل و اولن اللي ما بيحبوك و شوف كيف شجاعتك بتكون طريقك للسما و الله معكن
27 - 08 - 2018, 03:43 AM
العرض الشجري