الصيام مش بيديك رخصة تمشي تتنرفز ع الناس ف الشارع بحجة انك "صايم و مش طايق نفسك" !!!
الصيام مش بيديك رخصة عشان تكروت شغلك او ماتشتغلش أصلا و توقف مصالح الناس بحجة انك "صايم و مش قادر تشتغل"!!!
المعاكسة في الصيام لما تبقي "اللهم اني صايم" و "استغفر الله العظيم" كدا مابقتش تواشيح مثلا...هي لسة معاكسة برضو و انت لسة سافل!!
ف لو الصيام بتاعك هيضر الناس كدا يبقي مالوش لازمة....حضرتك بتصوم لنفسك مش لينا
ف احنا مالناش اي دعوة بكل عصبيتك و خنقتك اللي انت بتقول ان سببهم الصيام...لو مش أد الصيام ماتصومش
ولو صايم عن الأكل و الشرب بس لسة عينك زايغة و ماشي تعاكس و تتحرش و تسب و تشتم وتتخانق و تغش ف شغلك
دا يبقي اسمه ريچيم مش صيام!!
و علي فكرة...
الشتايم اللي بتفطر قبل المدفع...بتدخل النار برضو عادي بعد المدفع
و الحاجات اللي حرام ف رمضان...هي حرام برضو طول السنة
10 - 06 - 2017, 10:30 PM
العرض الشجري