|
 |
 |
 |
|
رقم المشاركة : ( 1 )
26 - 05 - 2017, 07:06 PM
|
|||||||||||
|
|||||||||||
|
من الحاجات الإيجابية اللي بشوفها وسط الأحداث دي كلها، هو أن ربنا ابتدى يفضح "العقيدة الفاسدة" اللي بجد ويكشفها للناس كلها.. يعني اللي بيقتل اطفال بريئة، وبيهجم غدر على ناس بسيطة مالهاش ذنب غير انها مختلفة عنه في العقيدة.. هو اللي عقيدته فاسدة.. اللي بكراهيته بيدمر اُسر وبييتم أطفال ويكسر قلوب أمهات هو اللي عقيدته فاسدة.. اللي بيجبر الناس تقول الشهادة وكأن الدين بالعافية هو اللي عقيدته فاسدة.. اللي متخيل انه بكام سلاح وبشوية "بلطجة دينية" ممكن يحمي إلهه ويجيبله حقّه على الأرض هو اللي عقيدته فاسدة.. اللي بيقتل وفي نفس الوقت يروح يصلّي، ويكفّر كل الناس وفي نفس الوقت يتكلم عن الله، وعايش حالة من "الشيزوفرينيا الدينية" لحد ما صدق نفسه.. هو اللي عقيدته فاسدة.. اللي واخد الكل اعداء، وحلمه المريض في الغزو والاحتلال مسيطر عليه طول حياته هو اللي عقيدته فاسدة.. اللي بيستحل دم وفلوس وعرض الباقيين وشايفهم أقل منه انسانياً فا مايستحقوش حتى الحياة، هو اللي عقيدته فاسدة.. اللي بيكفر كل من هو مختلف عنه ومتخيل انه معاه "توكيل الجنة" يدّخل اللي على مزاجه ويرمي الباقي في جهنم هو اللي عقيدته فاسدة.. اللي خايف من النقاش والمنطق فا بيهرب للقتل وسفك الدم من كتر ضعفه وقلة حيلته هو اللي عقيدته فاسدة.. اللي كاره الحياة و"مستكترها" على اللي حواليه ولا داق يعني ايه محبة أو قبول للآخر هو اللي عقيدته فاسدة.. انهي عقيدة فاسدة بتتكلموا عليها ؟؟ ما هي واضحة زي الشمس اهي! #العقيدة_الفاسدة 
|
العرض الشجري