|
 |
 |
 |
|
رقم المشاركة : ( 1 )
22 - 01 - 2017, 08:44 PM
|
|||||||||||
|
|||||||||||
|
الصحة : مش بس اكل و شرب لا الصحة كمان نفسية طفل مش مريضة و بيت هادي و مريح المشكلة اننا بنشغل ايدينا قبل عقلنا ( اسهل و أسرع حل عندنا ) بديهي بنتجة فوراً للعنف و الضرب .. و نسيب لغة الحوار و التفاهم تعالو الاول .. نبص علي جوه البيت عندنا شكله ايه ؟؟؟ هاتلاقي كل حاجة في البيت صوتها عالي ماما - بابا - اخواتي - التليفزيون - التليفون - الغسالة الاول لازم نحاول نقلل الضجيج اللي جوا البيت شوية نوطي صوت كل حاجة وفِي الاول نوطي صوتنا واحنا بنكلم بعض و لو حد جاتلة مكالمة تليفون .. ياخد بعضة و يدخل الاوضة يتكلم و يطلع لما يخلص المكالمة ( مش عيب ابداً ) لما ماما تجهز الاكل مش لازم تصرخ عقبال ما تجمع ولادها علي الاكل لا .. ممكن تروح بهدوء لكل واحد و تقوله .. الاكل جاهز طبعاً ناهيك عن صوت الخناقات اللي في البيت واللي اطفالنا بيشوفوها زي شريط سينيما ما بيروحش من ذاكرتهم خصوصاً لو الخناقات في البيت بتقلب بضرب .. بتتحفر .. و بتمرض الاطفال فوراً .. و هنا العلاج بيبقي شبه مستحيل لازم جو البيت الاول نحاول نوطي صوت ازعاجة .. و بعدين ندور ازاي نتعامل مع ولادنا دي اول واهم نقطة ندخل بقي علي تعاملاتنا مع ولادنا الضرب .. بيولد العند و شخصية مكسورة اياكم والضرب ✋️✋️✋️✋️✋️✋️ بلاش تلمس جسم ابنك غير وانت بتحضنة و بتقولة انا جنبك و بحبك بلاش تعذبوا ولادكم للأسف معظمنا بيعامل ولاده بموروثات غلط اتعلمناها من اهالينا .. و بنسلمها جيل ورا جيل .. بدون وعي الواحد يقولك ( مانا أضربت وانا صغير ؟؟ يافرحتي .. ماهو غلط ) بنسلم الرايه للعنف بدون فهم احنا نضرب عيالنا علشان اهالينا ضربتنا تقوم عيالنا تضرب عيالها و عيال عيالهم يضربو عيال عيال عيالهم و حلقة متواصلة من عدم الفهم و الوعي نكررها وخلاص نقوم نطلع للمجتمع شخصيات مرضانة و نفسيات مشوهة .. و كله بادينا الدول بره .. بتجرم الضرب للأطفال بتوصل للسجن و ساعات ممكن ياخدو الطفل منك و بيشوفوا ان تشوه نفسية الطفل ده مش هاتبني بلدهم لا بتهد فيه .. علشان كده الموضوع عندهم كبير اوي غير عندنا .. علشان كده هما بيتطورا واحنا محلك سر فأرجوكم : - بلاش قرص ودن .. بيأثر علي سمعة وودانه - بلاش ضرب علي المؤخرة .. اغلب المدمنين اكتشفوا ان وسيلة الضرب دي عنفتهم و هما صغيرين .. ده غير التبول الا إرادي و أمراض احنا في غنا عنها - بلاش ضرب بالقلم .. لانها إهانة كبيرة اوي نفسياً - بلاش الضرب بالحزام والا الشبشب - بلاش تسخن معلقة و تحرق جلد الطفل - بلاش تحطلة شطة في بٌقه - بلاش الضرب علي منطقة الراس و المخ خالص .. منتهي الخطورة علي ذكاءه - بلاش يدخل ينام و هو مفحوم من العياط .. لانه مش هايبطل يشوف كوابيس .. انت بتدمر نفسيته كده و ممكن يكرهك بجد - بلاش اطلع غلبي فيهم وانا معصبة .. هما مالهمش ذنب .. والا جبناهم ليه للدنيا من اساسه؟؟؟ كفايانا تعذيب في اجسام ولادنا .. أرجوكم مش هاتجنو حاجة غير اطفال عنيدة .. و نفسيات مشوهه و مجتمع منهار طفلك .. غِلط ... عاقبه بس بدون مد ايد عاقبة من اكتر حاجة بيحبها .. حرمانه من التليفزيون حرمانه من لعب محببه لقلبه حرمانه من مقابلة اصحابه من هدية كنت واعده بيها هات لاخوه هديه وهو لاء كده هاتموته من الغيظ بدون ما تضربه و لو عمل كارثة دخلة اوضتة يقعد فيها ممنوع يطلع لمده ساعة مثلاً ساعتها هايحس قد ايه عمل مصيبه وسائل العقاب كتيرة جداً بس للي فعلاً عاوز ابنه سوي و صحي و نفسياً مش مشوه عاملوهم برحمه .. و برفق لأنهم كائنات اضعف مننا جٌسمانياً و نفسياً و بكره لما نكبر يقوموا يعاملونا بموده لأننا كنّا رحومين في تربيتهم .. و لم نؤدي اجسادهم ابداً يقومو هما كمان يربوا ولادهم و يعلموهم بدون عنف او ضرب ربنا يدينا الحكمة و الفهم في تربيتهم و تشوفوهم اعظم وانجح اطفال في الدنيا امين 🙏🙏 🤗❤🙏🙏 
|
|
23 - 01 - 2017, 12:40 PM
|
رقم المشاركة : ( 3 ) | ||||
|
..::| الاشراف العام |::..
|
رد: تعالو بينا نبني طفل سوي صحى
ميرسى ربنا يفرح قلبك
|
||||
|
|
|
23 - 01 - 2017, 02:23 PM
|
رقم المشاركة : ( 4 ) | ||||
|
† Admin Woman †
|
رد: تعالو بينا نبني طفل سوي صحى
مشاركة جميلة جدا ربنا يبارك حياتك |
||||
|
|
|
24 - 01 - 2017, 04:24 PM
|
رقم المشاركة : ( 5 ) | ||||
|
..::| الإدارة العامة |::..
|
رد: تعالو بينا نبني طفل سوي صحى
ميرسي كتير على مروركم الغالى
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| واللي عدي بينا 2020 بسلام ❤ قادر يعدي بينا كل لحظة جاية 💪 |
| ترنيمة تعالو تعالو لابونا يوسف اسعد |
| تعالو الي |
| كليب ترنيمة تعالو تعالو ياتعابى cTv |
| تعالو تعالو هههههههههههههههههههه |
العرض العادي
