|
 |
 |
 |
|
رقم المشاركة : ( 1 )
19 - 11 - 2025, 09:17 PM
|
|||||||||||
|
|||||||||||
|
فقدان الشغف… مش دايمًا بيبقى ضعف، ومش دايمًا علامة إنك “اتكسرت” أو “خلصت”. أوقات كتير بيبقى مجرد إشارة من روحك إنها محتاجة تهدى، وتتنفس، وتعيد ترتيب نفسها بعيد عن دوشة العالم. في ناس بتصحى الصبح وتلاقي نفسها مش طايقة شغلها… ولا صحابها… ولا حتى الحاجات اللي كانت بتفرّحها. وتفتكر إن في حاجة غلط. بس الحقيقة؟ إنت بس تعبت. تعبت من التفكير… ومن الجري… ومن محاولة تكون قوي طول الوقت. وتعبت من إنك تبقى “المحتمل” لكل الناس… ومفيش حد شايف إنك محتاج لحظة بس ترتاح. فقدان الشغف مش نهاية… ده مجرد فاصل. فاصل علشان ترجع تلمّ نفسك، وتعرف أنت رايح فين ، وإيه اللي بيُتسحب منك وإنت ساكت. ولو إنت دلوقتي في المرحلة دي… خليني أقولك حاجة بسيطة: مش لازم ترجع زي زمان… إرجع زيّك. إرجع بمود تاني… بنظرة تانية… بإيقاع أهدى… حتى لو رجوعك بطيء. وصدقني… ربنا بيقدر التعب ده قوي. وبيفتح لك طريق جديد وقت ما تبقى فاكر إنها خلاص خلصت … وان مفيش حاجة تستاهل تحارب عشانها. هترجع تاني … بس على مهلك. وهيبقى جواك نور جديد بعد العتمة دي. 
|
 |
|
| قد تكون مهتم بالمواضيع التالية ايضاً |
| الموضوع |
| أحد الزعف يوم زي أي يوم |
| ما هو أحد السعف؟ |
| أحد السعف ( الزعف - الشعانيين ) |
| فقدان الشغف و الإحساس مثل فقدان الروح |
| صورة للتلوين لاحد الزعف "السعف" |
العرض العادي
