|
 |
 |
 |
|
رقم المشاركة : ( 1 )
19 - 10 - 2025, 05:02 AM
|
|||||||||
|
|||||||||
|
زوادة اليوم: مين بيشتري إمّي؟  بيخَبرو عن قصَّة صارِت بضيعة من ضِيَع أفريقيا، لـمّا قرَّبِت العروس من عريسها قبل الإكليل وقالتلو : «الليلة بعد الإكليل ما تطلُب منّي وقت العشا إقعُد حَدّ إمَّك ع الطاولة». العريس ما جاوَب، وما حِكي ولا كلمة. قبل ما يبلِّش الإكليل بيُطلُب العريس مِن الكاهن يعطيه الميكروفون، بيسأل الكلّ وبيقِلُّن : «مين بيشتِري إمّي؟» الكِلّ تعجَّبو من السؤال، بيرجع العريس بيسأل تلات مرّات، بس ما حدا بيرِدّ، بيعتذر من الحضور ومن الكاهن، وبيقِلُّن : «أنا إشتَرَيت إمّي»... بيِمسُك إمّو بإيدها بيُطلَع مِن الكنيسة، وبينلغى العِرس. القصَّة ما خُلصِت هَون، بيِسمَع وزير بقصِّة هالشَبّ، بيِجي لعندو وبيقِلّو : «أنا حابِب تكون صُهري، لأنَّك أكيد رح بتحافِظ علَيّي وعَ بِنتي وعَ مرتي، ومش بس ع إمَّك». الزوّادة بتقلّي وبتقلَّك : «أهلنا كنز كبير، تِعبو حتَّى ربّونا وكبِرنا... إجا الوقت حتَّى نبادِلهُن المحبِّة بمَحَبِّة، ونتذكَّر وصيِّة الربّ أكرِم أباكَ وأُمَّكَ، ويَلّي أهلو بيُرضو عليه السما والأرض بيُرضو عليه». والله معك. 
|
|
19 - 10 - 2025, 09:05 AM
|
رقم المشاركة : ( 2 ) | ||||
|
† Admin Woman †
|
رد: زوادة اليوم: مين بيشتري إمّي؟ : 19 / 10 / 2025 /
شكرا على الزوادة ربنا يفرح قلبك |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| زوادة اليوم: ريك فان بيك : 1 / 7 / 2025 / |
| زوادة اليوم: أنا غبي : 8 / 1 / 2025 / |
| زوادة اليوم: إمّي أغنى من إمِّك : 11 / 5 / 2024 / |
| يا ربّ، علّمني كيف ألقي همّي كلّ همّي عندك |
| زوادة اليوم : " هيدي إمّي " |
العرض العادي
