|
 |
 |
 |
|
رقم المشاركة : ( 1 )
09 - 10 - 2025, 11:00 PM
|
|||||||||||
|
|||||||||||
|
ماتطلعش سرك برا… ماتقولش لحد حاجة تخصك… اللي جواك ليك وبس.. دا اللي اتربينا عليه طول عمرنا!! وفي الأخر طلع في مننا جيل شكله طبيعي من برا، لكن منهار من جواه!!😔 الرسول بولس قال: احملوا بعضكم أثقال بعض وهكذا تمموا ناموس المسيح (غلاطية ٦:٢). طب إزاي هنعرف نشيل حمل بعض وكل واحد دافن على حمله جواه؟ إزاي نتمم ناموس المحبة وأنا مستخبي ورا صمتي وسكوتي؟ محتاج دايرة أمان، مكان أقدر أتكلم فيه من غير ما يدنوني. مكان أقول فيه الحقيقة حتى لو صعبه🙄 مكان يتقالي فيه: "أنا سامعك… وأنا معاك… وأنا هاصليلك. المسيح نفسه في البستان قال لتلاميذه: نفسي حزينة جدًا حتى الموت… امكثوا واسهروا معي(مت ٢٦:٣٨). اللي بيملك الحياة كلها… فتح قلبه وقالهم،، أنا محتاجكم معايا دلوقتي🫂 الصمت المستمر مش قوة… الصمت المستمر قبر. لكن المصارحة في دايرة أمان… بداية شفاء. يمكن تقول: بس أنا ماجرّبتش حد أمين يستحملني.. بس يمكن كمان لسه ما دورتش بجد.💁♂️ يمكن محتاج تبتدي تبني دوائرك النهاردة، وماتمشيش لوحدك، اللي ماشي لوحده… بيبقى فريسة سهلة.. قرب بس مش من أي ناس… ناس مجربة، ناضجة، شايلة قلب المسيح💜 
|
|
العرض الشجري