|
 |
 |
 |
|
رقم المشاركة : ( 1 )
06 - 10 - 2025, 09:36 AM
|
|||||||||||
|
|||||||||||
|
الفلوس بتزيد مابتقلش ابداً .. كنت مسافر القاهره يوم الخميس اللى فات فى قطر ٤:٣٠ المكيف ، فا كان راكب جنبى راجل كبير فى السن من محطة نجع حمادى ، لابس جلابيه فخمه كدا وعكاز عتيق وشكله تحس فيه الهيبه كدا .. المهم لاحظت فيه حاجه غريبه جداً.. كل ما يعدى بياع يشترى منه حاجه .. لغاية ما لاقيته بيسالنى انت نازل فين قولتله القاهره واتفتح مابينا الحوار .. اول حاجه سألتهاله .. هى الحاجه فى القطر رخيصه ؟؟ قالى ولله ياولدى مش عارف .. قولتله اصل لاقيك بتشترى حاجات كتير من البياعين .. لاقيته ابتسم كدا وخبط ايديه على العكاز بتاعه وقالى … غلابه ياولدى شجعهم ، كتر خيرهم مصاريفهم كتيره وشقيانين من كتر اللف فى القطر ، ده الواحد قاعد ومرتاح ونايم على الكرسى فى القطر وبردو بيتعب ما بالك بيهم بقى ؟ قولتله اشجعهم ازاى دانا لو عملت زيك فلوسى هاتخلص فى اول محطه وهاقعد بالجوع باقى الشهر .. قالى عمر الفلوس ماتقل ابداً بالعكس دى بتزيد . ربنا عارف ان الفلوس دى رايحه للمحتاج فا تلاقيه بيبارك فى فلوسك .. قولتله ازاى ؟؟ ماهى هاتخلص فعلا وانا ماعنديش اى مصدر دخل تانى.. قالى طول مانت واثق فى ربنا وعطائك للمحتاج بحب .. هاتلاقى فعلا الفلوس ربنا بيبارك فيها انت مش مستوعب الكلمه عشان ماجربتهاش لكن لما تجربها هاتتأكد من كلامى .. عدى الوقت ووصلنا القاهره ، ولاقيته معاه شنطه كبيره قولتله هات اوصلهالك للموقف المشوار طويل ومش هاتقدر تشيلها .. المفجأه اللى ماكنتش متوقعها تماماً الراجل اول ما رجله عتبت رصيف المحطه لقى ٢٠٠ جنيه مطبقه .. ضحك وقالى مش قولتلك مستحيل تقل 😇 
|
|
| قد تكون مهتم بالمواضيع التالية ايضاً |
| الموضوع |
| لن تتصدى له إلا صلاتك |
| بتزيد الطينة بلة |
| الفلوس |
| الفلوس |
| الفلوس |
العرض الشجري