افتكر سارة لأن إلهها هو إلهك

[walaa farouk]

تخيّل معايا المشهد..
سارة، اللي عاشت سنين طويلة في انتظار وعد شبه مستحيل
.. جسدها كبر، سنينها عَدّت، وكل الناس حواليها فقدوا الأمل
.. لكن ربنا لسه كان شايف خطة أكبر من عقل البشر.

وهي في التسعين، ربنا اختار يثبت إن وعوده مش مرتبطة بعُمر ولا إمكانيات.. إن الزمن مش قيد على إيديه..
وإن المستحيل في نظرنا ما هواش إلا فرصة عشان مجده يبان.

سارة اللي ضحكت أول ما سمعت الوعد، بقت أمّ..
وصوت الطفل اللي مسكته في حضنها كان شهادة حية إن كلمة ربنا ما بترجعش فاضية.. حتى لو اتأخرت السنين.

يمكن يكون عندك وعد شكله بعيد
.. بس افتكر سارة.. لأن إلهها هو إلهك
.. ولأن اللي قال هو أمين، وهيكمّل لحد الآخر.